Sjáumst á Vísindavöku
Krabbameinsfélagið tekur þátt í Vísindavöku í Laugardalshöll 28. sept kl. 15-20 með spennandi sýningu sem heitir Er þetta allt í genunum?
Krabbameinsfélagið verður með sýningarbás á Vísindavöku á morgun, laugardag 28. september kl. 15-20, í Laugardalshöll. Sýningin okkar heitir „Er þetta allt í genunum?“ og er spennandi nýjung í vísindamiðlun félagsins.
Ráðast líkur okkar á að fá krabbamein að mestu leyti af genunum sem við erfum? Eða hefur áreiti sem við verðum fyrir á lífsleiðinni einhver áhrif? Getum við sjálf gert eitthvað til að minnka líkurnar á krabbameinum?
Á Vísindavöku Rannís er almenningi boðið upp á sannkallaða vísindaveislu, fremsta vísindafólk landsins sýnir og segir frá rannsóknum og nýsköpun á lifandi og gagnvirkan hátt. Aðgangur er ókeypis og allir velkomnir!