Sjáumst á Styrkleikunum á Selfossi um helgina!
Styrkleikarnir hefjast kl. 12:00 laugardaginn 29. apríl og standa yfir í heilan sólarhring. Allir geta verið með og er þátttaka ókeypis. Viðburðurinn er fjölskylduvænn og verður fjölbreytt dagskrá í boði fyrir alla aldurshópa. Styrkleikarnir snúast um að styðja við, heiðra eða minnast þeirra sem hafa fengið krabbamein.
Allir geta verið með og er þátttaka ókeypis. Öllum er líka velkomið að kíkja við. Viðburðurinn er fjölskylduvænn og verður fjölbreytt dagskrá í boði fyrir alla aldurshópa. Styrkleikarnir snúast um að styðja við, heiðra eða minnast þeirra sem hafa fengið krabbamein.
- Viðburðurinn hefst kl. 12:00 laugardaginn 29. apríl og stendur yfir í heilan sólarhring. Er öllum opinn og það kostar ekkert að vera með.
- Staðsetning: Selfoss - Lindexhöllinni (íþróttavellinum) Engjavegi 50.
Við hvetjum alla til að vera með, þetta er einstök upplifun . Allar nánari upplýsingar um Styrkleikana má finna hér.
Hápunktur Styrkleikanna er Ljósastundin
Kveikt er á kertum í pokum sem þátttakendur og gestir hafa skreytt og skrifað á falleg minningar- og þakklætisorð. Ljósin í salnum eru slökkt, sem skapar einstaka upplifun. Samhliða er boðið upp á hugvekju og tónlistaratriði. Í fyrra höfðu margir orð á því að þessi fallega stund myndi gleymast seint.
Hvernig virkar þetta?
Styrkleikarnir ganga þannig fyrir sig að einstaklingar skrá sig í lið sem vinnur saman að því að halda boðhlaupskefli á hreyfingu í heilan sólarhring með því að skiptast á að ganga, skokka eða hlaupa fyrirfram ákveðna leið. Hægt er að velja um þrjár vegalengdir.
Fólk þarf ekki að vera hluti af liði til að vera með, því hægt er að skrá sig í Landsliðið sem er öllum opið. Á svæðinu er mjög gott hjólastólaaðgengi. Mikið er lagt upp úr því að viðburðurinn sé fyrir alla og allir geti tekið þátt á sínum hraða.
Krabbameinsfélagið heldur Styrkleikana nú í annað sinn í samvinnu við Krabbameinsfélag Árnessýslu og í góðu samstarfi við Sveitarfélagið Árborg.
Sjáumst á Styrkleikunum!