Guðmundur Pálsson 17. nóv. 2017

Samtök krabbameinsfélaga á Norðurlöndum funda hérlendis

Nú stendur yfir árlegur fundur samtaka krabbameinsfélaga á Norðurlöndum. Fundurinn er haldinn í húsnæði Krabbameinsfélagsins að Skógarhlíð 8. Fjöldi erlendra sérfræðinga sitja fundinn, fulltrúar allra samtakanna á Norðurlöndum og í Færeyjum auk þriggja formanna. Ísland hefur farið með forystu í samtökunum síðastliðin þrjú ár, en mun afhenda Danmörku keflið í dag.

Formennirnir þrír fjalla á fundinum um mismunandi málefni tengd krabbameinum:

Sakari Karjalainen er formaður samtaka Evrópskra krabbameinsfélaga sem hafa unnið mikið að sameiginlegum áherslum í forvörnum gegn krabbameinum (European Code against Cancer) sem snýst um 12 leiðir til að minnka líkur á krabbameinum. Talið er að fækka mætti krabbameinum um allt að 50% í heiminum ef allir færu eftir þessu. Sakari fjallar um þetta og kostnað við krabbamein.

Leif Vestergaard Pedersen er framkvæmdastjóri Kræften bekæmpelse í Danmörku. Af Dönum getum við margt lært um krabbameinsáætlun þeirra sem er tengd fjárlögum og endurskoðuð reglulega. Slík áætlun er grundvöllur útgjaldaáætlunar, skilgreining á þjónustu og stefnumótun fyrir allt heilbrigðiskerfið í málaflokknum. Flest lönd sem við miðum okkur við hafa tekið upp slíka áætlun. Íslensk krabbameinsáætlun hefur verið í undirbúningi frá febrúar 2011 og er enn ekki orðin að veruleika. Drög voru þó lögð fram af heilbrigðisráðherra hér í sumar byggð á skýrslu Krabbameinsfélagsins.

Anna Lise Ryel er framkvæmdastjóri Kreftforeningen í Noregi. Hún segir frá afar áhugaverðum málaferlum í Noregi sem sígaretturframleiðandinn Philip Morris tapaði og tengjast deilum um merkingar á sígarettupökkum, eða plain packaging. Málið hefur vakið athygli víða um heim. Hún talar meðal annars um samskipti við tóbaksfyrirtækin og hvernig koma megi í veg fyrir fjárfestingar lífeyrissjóða í fyrirtækjum sem stunda slíka framleiðslu.

Ragnheiður Haraldsdóttir, fráfarandi formaður stjórnar norrænna krabbameinsfélaga NCU, stýrir fundinum.


Fleiri nýjar fréttir

1. des. 2023 : Minningarorð um Jón Þorgeir Hallgrímsson

Jón Þorgeir Hallgrímsson, læknir, fyrrverandi formaður Krabbameinsfélags Íslands og Krabbameinsfélags Reykjavíkur lést þann 21. nóvember sl., 92 ára að aldri. Jóns Þorgeirs er minnst hjá Krabbameinsfélaginu með mikilli virðingu og þakklæti. Aðstandendum vottar félagið innilega samúð. 

Lesa meira

28. nóv. 2023 : Taktu þátt í skemmtilegum jólaleik

Litríkt, jólalegt og hollt á borðið þitt. Krabbameinsfélagið í samstarfi við Banana og Hagkaup óska eftir jólalegum útfærslum á framsetningu á grænmeti, ávöxtum og berjum til að nýta á jólaborðið eða veislubakkann. Veglegir vinningar í boði.

Lesa meira
Ljósmynd: Thule Photos

28. nóv. 2023 : Dýrmætt að vita að maður stendur ekki einn í þessu

Flestir sem hafa upplifað það að missa einhvern náinn sér eru líklega sammála um að sorgin er erfið og þungbær. Sorg barna er sérstaklega vandmeðfarin og það getur skipt máli fyrir úrvinnslu þeirra að fá réttan stuðning frá nærsamfélaginu. Hannes missti eiginkonu sína úr krabbameini árið 2022, en þau áttu tvær dætur saman. Hann segir hér frá sorgarúrvinnslunni og helstu úrræðum sem þau feðgin hafa nýtt sér, en þar á meðal er stuðningur Krabbameinsfélagsins við börn sem missa foreldri.

Lesa meira

28. nóv. 2023 : „Mig langaði til að taka þessa byrði og bera hana sjálf“

Rakel Ósk Þórhallsdóttir, eigandi vefverslunarinnar Central Iceland, hefur undanfarin þrjú ár stutt dyggilega við Bleiku slaufuna, en í heildina telur framlag hennar 7.385.000 kr. Rakel segir hér frá drifkraftinum á bak við verkefnið, en hún hefur persónulega tengingu við málstaðinn.

Lesa meira

23. nóv. 2023 : Fulltrúar Krabbameinsfélagsins á faraldsfæti

Um þessar mundir stendur Krabbameinsfélagið fyrir átaksverkefni sem miðar að því að fjölga í þeim góða hópi Velunnara sem styðja þétt við bakið á félaginu með mánaðarlegum framlögum. Í nóvember heimsækjum við Selfoss.

Lesa meira

Var efnið hjálplegt?