Sigriður Sólan Guðlaugsdóttir 6. feb. 2018

Samkeppni um Bleiku slaufuna 2018

Krabbameinsfélag Íslands er í samstarfi við Félag íslenskra gullsmiða um íslenska hönnun

Nú hefur verið blásið til samkeppni um Bleiku slaufuna 2018 meðal gullsmiða og er þetta í sjöunda sinn sem keppni er haldin um hönnun hennar. Skilafrestur er 15. mars 2018.

Sú hefð hefur skapast síðastliðin ár að íslenskir gullsmiðir sjái um hönnun Bleiku slaufunnar sem síðan er seld í október ár hvert til styrktar ákveðnu málefni tengdu krabbameinum hjá konum. Samvinnan þykir einstök á heimsvísu og fjölmargir safna slaufunni ár frá ári. 

Við erum stolt af íslenskri hönnun

Við hjá Krabbameinsfélaginu erum stolt af því að hönnun Bleiku slaufunnar sé í höndum íslenskra fagmanna. Sú hefð sem skapast hefur með samstarfinu og framleiðslu slaufunnar er einstök í heiminum, fjölmargir safna slaufunni ár frá ári og hróður íslenskra hönnuða berst langt út fyrir landsteinana. Við blásum til nýrrar samkeppni og óskum eftir tillögum ykkar að hönnun og útliti Bleiku slaufunnar 2018. Sigurvegari samkeppninnar skuldbindur sig til að gefa vinnu sína en fær greiddan útlagðan kostnað við efni. Krabbameinsfélagið óskar eftir samvinnu við sigurvegarann að kynningu slaufunnar og veitir honum einnig stuðning til að kynna hana sjálfstætt. Við þetta tækifæri langar okkur að færa hönnuðum fyrri ára og öllum þeim sem sent hafa inn tillögur okkar bestu þakkir. 

Hönnuðir Bleiku slaufunnar síðastliðin ár:

  • 2017     Ása Gunnlaugsdóttir gullsmiður hjá asa iceland
  • 2016     Unnur Eir Björnsdóttir og Lovísa Halldórsdóttir gullsmiðir
  • 2015     Erling Jóhannesson, hönnuður og silfursmiður
  • 2014     Stefán Bogi Stefánsson, gullsmiður og hönnuður hjá Metal Design
  • 2013     Kjartan Ernir Kjartansson og Ástþór Helgason gullsmiðir hjá Orr
  • 2012     Ingi Bjarnason gullsmiður hjá Sign

Ása segir það hafa verið mikilvægt fyrir sig að geta lagt félaginu lið í ár þegar safnað var fyrir Ráðgjafarþjónustu félagsins; „Það er mér mikil ánægja að geta lagt mitt af mörkum við þá mikilvægu þjónustu sem Krabbameinsfélagið veitir án endurgjalds þeim sem greinast með krabbamein. Við hönnunina hafði ég að leiðarljósi táknmyndina um hlýju og umhyggju sem sveipar þann sem slaufuna ber. Í formi hennar er einnig dropasteinn fyrir dropann sem „breytir veig heillar skálar“ eins og segir í kvæðinu. Verkefnið var bæði afar skemmtilegt og krefjandi”, segir Ása, en hún var einnig mjög öflug í kynningu á slaufunni auk þess að halda bleikt boð á vinnustofu sinni.

Silfurslaufan

Silfurslaufan er einungis til sölu hjá gullsmiðum. Reynslan sýnir að silfurslaufan gengur best þegar hún er sýnilega frábrugðin nælunni sem er í almennri sölu.

Viðmið

Eftirfarandi viðmið skulu höfð að leiðarljósi við hönnun slaufunnar

  • Slaufan sé bleik að öllu eða a.m.k. nokkru marki
  • Auðvelt sé að sjá slaufu út úr laginu/forminu
  • Slaufan henti sem barmnæla og hálsmen
  • Engin skilyrði eru um efnisval
  • Hafa ber í huga að hönnun nælunnar þarf að henta til fjöldaframleiðslu
  • Tillögunni fylgi skýring á hugmyndinni og sýn á hvernig hún yrði kynnt
  • Þess má geta að samstarf við aðra gullsmiði eða listamenn er heimilt, sem og samstarf um kynningu, útfærslu á heildarhugmynd (konsepti) og hönnun

Óskað er eftir því að tillögurnar berist sem „prótótýpa“ og heiti höfundar sem dulnefni, en réttar upplýsingar um hönnuð fylgi með í lokuðu umslagi. Við áskiljum okkur rétt til að samþykkja hvað tillögu sem er eða hafna þeim öllum. 

Síðasti skiladagur er 15. mars 2018. Dómnefnd mun velja úr þeim tillögum sem berast og vinningshafi verður tilkynntur innan mánaðar. 

Tillögur sendist á:
Krabbameinsfélag Íslands
Kynningar- og fjáröflunardeild - Bleika slaufan 2018
Skógarhlíð 8
105 Reykjavík


Fleiri nýjar fréttir

2. júl. 2020 : Tólf velunnarar segja af hverju þeir styrkja Krabbameinsfélagið

Velunnarar vilja leggja sitt af mörkum í baráttunni við krabbamein.


Lesa meira

19. jún. 2020 : Sumar­happ­drætti Krabba­meins­félagsins - útdráttur

Dregið var í Sumarhappdrætti Krabbameinsfélagsins þann 17. júní. Félagið þakkar frábærar viðtökur og er þakklátt þeim fjölmörgu sem leggja starfinu lið með því að taka þátt.

Lesa meira
Krabbameinsfélagið ásamt aðildarfélögum á Austurlandi, Fljótsdalshéraði og Heilbrigðisstofnun Austurlands skrifuðu undir samning um aukna þjónustu á Austurlandi 18.06,2020.

18. jún. 2020 : Tímamót í þjónustu á Austurlandi

Í morgun undirritaði Krabbameinsfélagið ásamt aðildarfélögum á Austurlandi, Fljótsdalshéraði og Heilbrigðisstofnun Austurlands samstarfssamning sem felur í sér aukna þjónustu við þá sem greinst hafa með krabbamein og fjölskyldur þeirra.

Lesa meira

14. jún. 2020 : Sumar­happ­drætti Krabba­meins­félagsins: Við drögum 17. júní - átt þú miða?

Vinningar eru 266 talsins að verðmæti um 46,8 milljónir króna. Peugeot bifreið að verðmæti 6,6 milljónir króna gæti orðið þín! 

Lesa meira

12. jún. 2020 : Viðtökur við Áttavitanum fram úr björtustu vonum

Boðsbréf sem send voru út í vikunni til markhóps í rannsókn Krabbameins­félagsins, Áttavitans, sem fjallar um reynslu fólks af greiningu og meðferð krabbameins, hafa fengið góð viðbrögð og mikill fjöldi nú þegar skráð sig í rannsóknina.

Lesa meira

Var efnið hjálplegt?