Rannsóknargjald nú innheimt sérstaklega
Breyting hefur orðið á greiðslufyrirkomulagi vegna rannsókna á leghálssýnum sem kvensjúkdómalæknar taka og senda til skoðunar.
Fjöldi kvenna nýtir tækifærið hjá kvensjúkdómalækni og lætur taka krabbameinssýni í skoðuninni. Þær konur sem hafa látið taka strok úr leghálsi hjá kvenjúkdómalækni á árinu, munu fá reikning fyrir rannsóknargjaldi sýnisins í næstu viku. Þetta er breyting frá því sem áður var þegar læknar innheimtu gjaldið jafnóðum við komu kvennnanna til þeirra.
„Nokkrir læknanna eru hættir innheimtu gjaldsins og þá breytist verklag og félagið þurfti að taka þetta að sér, segir Helgi Björnsson, fjármálastjóri Krabbameinsfélagsins.
Reikningar munu berast frá Krabbameinsfélaginu með skýringu í næstu viku, almennt gjald er 2.700 auk seðilgjalds.