Sigriður Sólan Guðlaugsdóttir 5. nóv. 2019

Ráðgjöf nú veitt í Árborg

  • Svanhildur Ólafsdóttir, Halla Þorvaldsdóttir, framkvæmdastjóri Krabbameinsfélagsins, og Díana Óskarasdóttir, skrifa undir samstarfssamninginn.

Í dag var undirritaður á Sjúkrahúsinu á Selfossi samstarfssamningur milli Krabbameinsfélagsins, Krabbameinsfélags Árnessýslu og Heilbrigðisstofnunar Suðurlands (HSU) um ráðgjöf fyrir sjúklinga í krabbameinsmeðferðum.

Meðferð við krabbameinum hófst á sjúkrahúsinu fyrir ári síðan en fram að þeim tíma höfðu krabbameinssjúklingar sótt meðferð til Reykjavíkur.

„Þetta fór rólega af stað en það er gríðarlegur vöxtur í aðsókninni og þjónustunni sem við erum að veita,“ segir Díana Óskarsdóttir, forstjóri HSU.

https://youtu.be/XMG4oc13ijY

Fljótlega kom þó í ljós að þörf var á stuðningi og Krabbameinsfélag Árnessýslu leitaði til Krabbameinsfélagsins um ráðgjöf og stuðning fyrir krabbameinssjúklinga á svæðinu.

“Markmiðið hjá okkur í Krabbameinsfélagi Árnessýslu hefur alltaf verið að færa þjónustuna í heimabyggð,“ segir Svanhildur Ólafsdóttir, formaður Krabbameinsfélags Árnessýslu.

Í Bleiku slaufunni 2017 var söfnunarfé varið til að efla ráðgjöf og stuðning og hefur þeim fjármunum meðal annars verið varið til að koma á ráðgjöf á Akureyri og nú á Selfossi.

„Þetta skiptir mjög miklu máli því nú er Suðurlandið orðið 30 þúsund manna svæði og mikill vöxtur í Árborg og hér í kring,“ segir Sigurður Böðvarsson, krabbameinslæknir.

„Hér munum við bjóða upp á viðtal fyrir alla sjúklinga sem eru að koma í upphaf meðferðar og síðan ræðst það eftir óskum og þörfum hvers og eins hversu oft þeir vilja koma til okkar og sækja þessa þjónustu og það erlíka mjög mikilvægt fyrir okkur sem heilbrigðisstarfsmenn að fylgjast með líðan sjúklinganna okkar og grípa þá inní þegar þess er þörf,“ segir Díana.

„Það er alveg nógu mikið álag að takast á við sjúkdóminn að þurfa ekki að sækja þjónustuna yfir heiðina,“ segir Svanhildur og bæti við að það skipti máli fyrir samfélagið: „því við erum að veita þá heildstæða þjónustu.“

„Ég vil hvetja alla sem sjá hag sinn í að nýta þessa þjónustu ekki að hika til að leita til okkar því við eru hér til staðar fyrir sjúklinga og aðstandendur,“ segir Díana.

Rágjöf er veitt annan hvern föstudag. 


Fleiri nýjar fréttir

17. jan. 2020 : Miðlun eflist - nýtt blað komið út

Blað Krabbameinsfélagsins er komið út. Í því er að finna viðtöl, fróðleik, fréttir og greinar um fjölbreytt starf félagsins. 

Lesa meira

15. jan. 2020 : Nýjar áherslur - ný ásýnd

Stjórn Krabbameinsfélagsins hefur ákveðið að breyta merki og ásýnd félagsins til að endurspegla fjölbreytta starfsemi þess. 

Lesa meira

8. jan. 2020 : Þetta reddast ekki ... án aðgerða!

Að undanförnu hefur umræða um ástand á Landspítala verið áberandi í fjölmiðlum, sérstaklega ástand á bráðamóttöku spítalans. Halla Þorvaldsdóttir, framkvæmdastjóri Krabbameinsfélagsins skrifar.

Lesa meira

27. des. 2019 : Jóla­happ­drætti Krabba­meins­félagsins: Vinnings­tölurnar komnar í loftið – takk fyrir stuðninginn!

Dregið hefur verið Í jólahappdrætti Krabbameinsfélagsins. Happdrættið hefur verið ein veigamesta tekjulind félagsins um áratugaskeið og stuðlað mjög að uppbyggingu þess og þróun.

Lesa meira

21. des. 2019 : AURUM styrkir Bleiku slaufuna með myndarlegu framlagi á 20 ára afmæli fyrirtækisins

Guðbjörg Kristín Ingvarsdóttir, skartgripahönnuður í AURUM Bankastræti, afhenti Krabbameinsfélaginu ríflega 3.000.000 kr. styrk nú á aðventunni.

Lesa meira

Var efnið hjálplegt?