Sigriður Sólan Guðlaugsdóttir 24. ágú. 2018

Öll áfengisneysla skaðleg heilsu

Ný viðamikil alþjóðleg rannsókn sem birtist í læknaritinu Lancet sýnir að hver einasti áfengissopi er skaðlegur heilsunni. Þriðjungur mannkyns neytir áfengis og árið 2016 voru 2,8 milljónir dauðsfalla raktar til áfengisneyslu. Í rannsókninni er lagt til að fólk drekki ekki áfengi.

Rannsóknin Global Burden of Disease byggir á upplýsingum um 30 milljónum einstaklinga á aldrinum 15-95 í 195 löndum á 26 ára tímabili. Bornir voru saman einstaklingar sem drekka ekki og þeir sem drekka einn drykk á dag.

Auk þess að auka líkur á örorku og ótímabærum dauðsföllum hjá 15-49 ára einstaklingum umtalsvert, er skýr fylgni á milli drykkju og sjúkdóma á borð við krabbamein og hjarta- og æðasjúkdóma. Rannsakendur viðurkenna þó að hófleg drykkja geti unnið gegn hjartasjúkdómum, en hún auki á sama tíma hættuna á krabbameinum og öðrum sjúkdómum.

Konur yfir fimmtugu eiga frekar á hættu að fá krabbamein vegna neyslu áfengis. Tengja má áfengisneyslu á heimsvísu við 27% dauðsfalla vegna krabbameina hjá konum og tæp 19% hjá körlum yfir fimmtugu.

„Niðurstöður þessarar rannsóknar eru í takti við rannsókn sem við birtum í mars ásamt öðrum norrænum krabbameinsskrám, þar sem við áætlum að 83.000 krabbameinstilvik á næstu 30 árum megi rekja til áfengisneyslu á Norðurlöndunum. Það eru 5,5% allra áfengistengdra krabbameina,“ segir Laufey Tryggvadóttir, framkvæmdastjóri Krabbameinsskrár; „Stærstur hluti þessara meina eru brjóstakrabbamein hjá konum eftir tíðahvörf, yfir 28.000 krabbamein, og í næsta sæti eru ristil- og endaþarmskrabbamein eða um 23.000 tilvik.“

„Þessi rannsókn sýnir hversu mikilvægt það er að stjórnvöld forgangsraði í þágu lýðheilsu og taki mið af rannsóknum í allri stefnumótun,” segir Halla Þorvaldsdóttir, framkvæmdastjóri Krabbameinsfélags Íslands.

Rannsóknina má sjá hér .

 


Fleiri nýjar fréttir

16. júl. 2021 : Ný dagdeild blóð- og krabbameinslækninga er nauðsyn!

Krabbameinsfélagið vill leggja sitt af mörkum til að skapa fyrsta flokks aðstöðu eins fljótt og auðið er. Félagið er tilbúið að leggja verulegt fjármagn til að bylta aðstöðu deildarinnar að því gefnu að stjórnvöld leggist á árar með félaginu og Landspítala.

Lesa meira

7. júl. 2021 : Hvetja alla til að nýta sér ráðgjöfina

„Við upplifðum þetta þannig að ráðgjafinn hefði gert hvað sem er".

Lesa meira
MAGNUS

2. júl. 2021 : 70 andlit fyrir 70 ár - Magnús Karl Magnússon

Magnús Karl Magnússon, prófessor við Háskóla Íslands, minnir á mikilvægi vísinda þegar kemur að krabbameinum. Meiri þekking, og fjárfesting í þekkingu, er forsenda þess að skilja krabbamein. 

Lesa meira

1. júl. 2021 : Sumaropnun Ráðgjafarþjónustunnar

Breyting á opnunartíma hjá Ráðgjafarþjónustunni í Reykjavík og á landsbyggðinni: Akureyri, Austurlandi, Selfossi og Suðurnesjum. Opið í allt sumar í Skógarhlíðinni!

Lesa meira
Ravi-1

1. júl. 2021 : Orðinn sérfræðingur í að matreiða íslenskan fisk

Ravi Dhawan hefur dvalið í Reykjavík í mánuð og stundað starfsnám hjá Rannsókna- og skráningarsetri Krabbameinsfélagsins. Hann er hæstánægður með reynsluna og ætlar að snúa aftur til Íslands með foreldrum sínum.

Lesa meira

Var efnið hjálplegt?