Sigriður Sólan Guðlaugsdóttir 12. maí 2020

Ókeypis ráðgjöf nú einnig á Suðurnesjum

Krabbameinsfélagið býður nú upp á ráðgjöf og stuðning án endurgjalds á Suðurnesjum fyrir þá sem greinast með krabbamein og aðstandendur þeirra. 

Í gær var skrifað undir samning á milli félagsins, Reykjanesbæjar og Heilbrigðisstofnunar Suðurnesja um að veita ráðgjöf og stuðning án endurgjalds fyrir þá sem greinast með krabbamein og aðstandendur þeirra á svæðinu.

https://youtu.be/AIRl4wClcNw

Fagaðilar frá Ráðgjafarþjónustu Krabbameinsfélagsins munu veita ráðgjöfina tvo daga í mánuði og fer hún fram í Ráðhúsi Reykjanesbæjar.

„Þetta er bætt þjónusta fyrir íbúana okkar þannig að við erum afar ánægðir með það að ná svona samkomulagi á milli þessara aðila til að gera enn betur fyrir íbúana okkar hér,“ segir Kjartan Már Kjartansson, bæjarstjóri Reykjanesbæjar.

Ráðgjafarteymi Krabbameinsfélagsins samanstendur af hjúkrunarfræðingum, sálfræðingi, kynfræðingi, lýðheilsufræðingi og félagsráðgjafa og mikið er lagt upp úr jafningastuðningi í gegnum stuðningshópa og stuðningsnet félagsins og aðildarfélaga þess.

„Þetta er bara tímabært vegna ástandsins að koma með ráðgjöf hingað suðureftir enda erum við stórt svæði og það er alveg þörf fyrir þetta,“ segir Sigríður Erlingsdóttir, starfsmaður Krabbameinsfélags Suðurnesja.

Krabbameinsfélagið hefur aukið þjónustu við krabbameinsgreinda og aðstandendur þeirra á landsbyggðinni, þannig er ráðgjöf nú veitt hjá félögunum á Austurlandi, Selfossi og Akureyri auk hefðbundins starfs félaganna þar. Á Suðurnesjum er nú einnig verið að fara af stað með stuðningshópa í endurbættu húsnæði félagsins.

„Það er mikið um greiningar hérna suðurfrá. Bara að geta veitt þessa auka þjónustu frá heilbrigðisstarfsmanni og fagaðila. Þannig að þessi viðbót er kærkomin,“ segir Sigríður

„Ég vil þakka þeim sem hafa haft frumkvæði og komu þessu samkomulagi á og við hlökkum til samtarfsins við Krabbameinsfélagið, bæði Krabbameinsfélag Íslands og náttúrulega starfsfólki hér suðurfrá, heilbrigðisstofnun og aðra sem að málinu koma“ segir Kjartan.


Fleiri nýjar fréttir

24. nóv. 2021 : Fræðslu­mynd í tilefni stór­afmælis

Í tilefni af 40 ára afmæli Stómasamtaka Íslands er nú komin út vönduð fræðslumynd. Samtökin eru hagsmunasamtök stómaþega á Íslandi sem leggja áherslu á aukin lífsgæði stómaþega með fræðslu, stuðningi og hvatningu.

Lesa meira
Birna Þórisdóttir

19. nóv. 2021 : Krabbameinsfélagið tekur þátt í verkefni um nýsköpun í heilsueflingu

Í dag kynnir Birna Þórisdóttir sérfræðingur og nýdoktor við Háskóla Íslands og fyrrum sérfræðingur hjá Krabbameinsfélaginu niðurstöður verkefnisins Er það bara ég eða stekkur súkkulaðið sjálft ofan í innkaupakerruna?

Lesa meira

18. nóv. 2021 : Jóla­happ­drætti Krabba­meins­félags­ins: Stuðningur við marg­þætta starf­semi

Nú hafa verið sendir út miðar í jólahappdrætti Krabba­meins­félagsins. Allt frá árinu 1955 hefur Krabba­meins­félagið staðið fyrir happdrætti sem hefur verið ein veigamesta tekjulind félagsins og stuðlað mjög að uppbyggingu þess og þróun. 

Lesa meira

18. nóv. 2021 : Ný rafræn samskiptagátt fyrir sjúklinga með krabbamein

Heilsumeðvera er ný rafræn samskiptagátt sem fer í loftið í nóvember. Þar geta krabbameinssjúklingar nálgast upplýsingar um meðferð, sent inn fyrirspurnir og fengið fræðsluefni sniðið að sínum sjúkdómi og meðferð. Heilbrigðisstarfsmaður vaktar þær fyrirspurnir sem berast, til að tryggja greið svör.

Lesa meira

13. nóv. 2021 : Sendu pabba mikilvæg skilboð á Feðradaginn

Í tilefni af Feðradeginum, sunnudaginn 14. nóvember, hvetur Krabbameinsfélagið alla til að senda pabba mikilvæg skilaboð - því við viljum hafa pabbana sem lengst á meðal okkar, við sem besta heilsu.

Lesa meira

Var efnið hjálplegt?