Nýtum tæknina og gerum eitthvað saman
Rík hefð er fyrir því að fólk komi saman og njóti samverunnar og alls þess sem hátíðarnar hafa upp á að bjóða. Fyrir marga verður þessi tími frábrugðinn því sem við erum vön líkt og með annað á þessu ári. Samt sem áður höfum við ýmsa möguleika á því að gleðjast saman hér koma nokkrar hugmyndir að samverustundum.
Hægt er að nota fjölmörg forrit t.d. facetime, messenger, zoom, teams, skype, meet svo fátt eitt sé nefnt.
Hér koma nokkrar hugmyndir:
- Rifjaðu upp skemmtileg og eftirminnileg augnablik og búðu til rafrænt myndaalbúm og deildu með fjölskyldu og vinum.
- Opna pakkana saman í beinni.
- Spurningakeppni (pöbbkviss) hægt er að gera sínar eigin spurningar eða nota einhver spurningaspil (Trivial Pursuit og fleiri) þar sem keppendur skrifa svörin á blað og svo eru svör við öllum spurningum lesin upp í lokin og fólk hakar við hjá sér hvað það er með mörg svör rétt. Auðvitað bannað að gúggla svörin. Einnig er hægt að setja upp könnun í Kahoot.
- Bingó í beinni allir með bingóspjöld og spila saman. Hér er t.d. hægt að nálgast spjöld Virtual Logasalir BINGO (mfbc.us).
- Syngja saman.
- Bókaklúbbur þar sem rætt er um jólabækurnar og þeim gefin einkunn.