Guðmundur Pálsson 4. sep. 2019

Nú komum við saman: Opið hús á Velunnaradaginn 10. september

Þriðjudaginn 10. september verður opið hús fyrir Velunnara Krabbameinsfélagsins, en það eru þeir sem kjósa að styðja við baráttuna gegn krabbameini með mánaðarlegu framlagi. Þannig gera þeir félaginu kleift að efla stöðugt rannsóknir, fræðslu, forvarnir, ráðgjöf og stuðning í þágu þeirra sem greinst hafa með krabbamein og aðstandenda þeirra.

Starfsfólk Krabbameinsfélagsins býður öllum Velunnurum félagsins að koma saman í húsnæði okkar að Skógarhlíð 8 í Reykjavík. Þar gefst tækifæri fyrir Velunnara og starfsfólk til að samgleðjast yfir góðum árangri, ræða um þau fjölmörgu verkefni sem framlög Velunnara gera möguleg, velta upp komandi áskorunum og nýjum leiðum. 

Léttar veitingar verða í boði milli klukkan 16.00 og 18.00.

Við vonum innilega að þú eigir heimangengt og hlökkum til að sjá þig!

Saman náum við árangri!

Kær kveðja,

Halla Þorvaldsdóttir, framkvæmdastjóri
og starfsfólk Krabbameinsfélagsins


Fleiri nýjar fréttir

Brjóstaskoðun á Leitarstöð

20. sep. 2019 : Tvöfalt fleiri konur í fyrstu skimun

Þátttaka kvenna í skimun sem fá í fyrsta sinn boð um leit að brjósta- og leghálskrabbameini fjölgaði um rúmlega 100% frá tímabilinu 1. janúar til 31. júlí 2019 miðað við sama tímabil árið 2018. 

Lesa meira

17. sep. 2019 : Vel heppnaður Velunnaradagur að baki

Síðastliðinn miðvikudag var opið hús í Krabbameinsfélaginu og þá var Velunnurum boðið í heimsókn í húsnæði félagsins að Skógarhlíð 8. 

Lesa meira

16. sep. 2019 : Samið við Ljósið um endurhæfingu fyrir krabbameinsgreinda

Heilbrigðisráðherra hefur ákveðið að fela Sjúkratryggingum Íslands að gera þriggja ára þjónustusamning við Ljósið um endurhæfingarþjónustu við fólk sem greinst hefur með krabbamein. 

Lesa meira

13. sep. 2019 : Karlarnir og kúlurnar í Mosfellsbæ

Tólf menn tóku þátt í golfmótinu Karlarnir og kúlurnar sem haldið var 12. september á Bakkakotsvelli í Mosfellsbæ.

Lesa meira

6. sep. 2019 : Kynningarátak um erfðagjafir

Krabbameinsfélagið hefur tekið höndum saman við sex góðgerðarfélög til að vekja athygli almennings á erfðagjöfum. Yfirskrift átaksins er „Gefðu framtíðinni forskot.“

Lesa meira

Var efnið hjálplegt?