Tryggðu þér par!
Nú eru síðustu forvöð að tryggja sér Mottumarssokka. Við höfum fyllt á sölustaði en það eru bara örfá pör eftir í vefverslun Krabbameinsfélagsins. Síðasti dagur sokkasölunnar er 15. mars.
Það hefur verið líf og fjör hér í Skógarhlíðinni undanfarið við að taka á móti sokkapöntunum viðskiptavina, fyrirtækja og verslana. Nú er það svo að lagerinn okkar er að klárast seinustu pörin eru komin í vefverslun Krabbameinsfélagsins. Við höfum fyllt á sölustaði um land allt þannig að allir ættu að geta tryggt sér par. Sokkarnir eru fáanlegir í stærðum 26-45, barnastærðir eru eingöngu seldar í vefverslun.
Síðasti dagur sokkasölunnar er 15. mars.
Þinn stuðningur skiptir okkur öllu máli. Starfsemi Krabbameinsfélagsins byggir á söfnunarfé. Allur ágóði af sölu sokka í Mottumars rennur til vísindastarfs, rannsókna, fræðslu, forvarna og til að veita endurgjaldslausa þjónustu, stuðning og ráðgjöf með námskeiðahaldi og viðtölum við fagaðila.
Mottumarssokkarnir 2020 eru hannaðir af Gunnari Hilmarssyni hjá Herrafataverslun Kormáks og Skjaldar og framleiddir af Sokkabúðinni Cobra.