Sigriður Sólan Guðlaugsdóttir 14. maí 2019

Mistök í póstsendingu skýra dræma þátttöku í skimun

Eftir frétt sem birt var í gær um dræma þátttöku kvenna í brjóstamyndatöku í Vestmannaeyjum kom í ljós að mistök áttu sér stað í póstsendingu boðsbréfa. 

Einungis hluti þeirra kvenna sem komið var að í skimun fengu bréfið sent. Vegna þessa verða ný boðsbréf send þeim konum sem ekki fengu, og aftur verður boðið upp á brjóstamyndatöku í Vestmannaeyjum seinni hluta ágústmánaðar.

„Þessi dræma þátttaka var svo úr takt við það sem við höfum verið að upplifa undanfarið, að það hlaut að vera skýring á þessu,“ segir Halldóra Hálfdánardóttir, deildarstjóri á Leitarstöð Krabbameinsfélagsins: „Eftir að fréttin birtist komu þessi mistök í sendingu bréfanna í ljós og þó þau séu auðvitað mjög miður, þá er gott að skýring fannst á þessu. Og nú vonumst við eftir því að allar konur sem fá bréf mæti, hvort sem er í Vestmannaeyjum eða Reykjavík.“

Konur geta nú skoðað upplýsingar um boðun og eigin þátttöku í skipulegum skimunum fyrir legháls- og brjóstakrabbameinum rafrænt á mínum síðum Ísland.is. Skimunarsagan er afrakstur samstarfs á milli Krabbameinsfélags Íslands og Þjóðskrár Íslands. Þar sjá konur hvort komið er að skoðun og geta þá pantað tíma.

Hægt er að bóka tíma hjá Heilsugæslunni í Vestmannaeyjum í síma 432 2500 eða hjá Leitarstöð Krabbameinsfélagsins í síma 540 1919.


Fleiri nýjar fréttir

23. okt. 2020 : Málþing: Brjósta­krabba­mein - fordæma­lausir tímar

Bleikt málþing um brjóstakrabbamein verður þriðjudaginn 27. október 2020 kl. 17:00-18:15 á vegum Brjóstaheilla – Samhjálpar kvenna, Krabbameinsfélags höfuðborgarsvæðisins og Ráðgjafarþjónustu Krabbameinsfélagsins.

Lesa meira

23. okt. 2020 : Staða félaga­samtaka í heims­faraldri

Rafrænt málþing Almannaheilla og Vaxandi fimmtudaginn 29. október.

Lesa meira

21. okt. 2020 : Heilsu­sögu­bankinn: Ný rannsókn á áhættu­þáttum brjósta­krabba­meins

Áhrif áhættuþátta og skimunar á tíðni brjóstakrabbameins.

Lesa meira

16. okt. 2020 : Málum bæinn bleikan og stillum á Bleikt100

Í tilefni Bleika dagsins ætlar útvarpsstöðin K100 að skipta um nafn í einn dag og verða Bleikt100.

Lesa meira

16. okt. 2020 : Bleiki dagurinn er í dag!

Á Bleika deginum hvetjum við landsmenn til að bera slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein finni stuðning okkar og samstöðu.

Lesa meira

Var efnið hjálplegt?