Sigriður Sólan Guðlaugsdóttir 9. ágú. 2019

Mikil eftirspurn eftir tímum í skimun

  • Guðrún Birgisdóttir, geislafræðingur, í brjóstamyndatöku á Leitarstöð 2019.

Aldrei hafa jafnmargar tímapantanir í skimun beðið starfsfólks Leitarstöðvarinnar að loknum sumarleyfum og nú. Um 800 tölvupóstar biðu afgreiðslu og er nú unnið að því að bæta við tímum til að anna eftirspurn. 

Svo virðist sem herferðir félagsins og aukin vitund kvenna um mikilvægi skimana spili þar inní að sögn Halldóru Hálfdánardóttur, deildarstjóra stjórnsviðs Leitarstöðvarinnar.

„Vanalega hafa 2-300 tölvupóstar beðið starfsfólks eftir sumarfrí en nú voru þeir 800 og það er enn að bætast í. Það er mun betri þátttaka í skimun almennt síðustu mánuði. Ég hugsa að það sé samstilltu átaki að þakka, betri kynningu félagsins á starfseminni, áhrifum auglýsinga, sérstaklega á samfélagsmiðlum og fólk er almennt meðvitaðra um mikilvægi skimana,“ segir Halldóra.

Nú er verið að skrá brjóstamyndatökur í september og unnið er að því að fjölga tímum til að stytta biðtíma, en búið er að bæta við tímum í leghálsskoðanir.

Tilraunaverkefni skilar miklum árangri

Í ársbyrjun hófst tilraunaverkefni Krabbameinsfélagsins sem miðar að því að hvetja konur til þátttöku sem boðaðar eru í fyrsta sinn í skimun með því að bjóða þeim skimunina ókeypis. Rannsóknir sýna að ef konur mæta þegar þær eru boðaðar í fyrsta sinn eru meiri líkur á því að þær taki þátt í reglulegri skimun síðar á ævinni. 

Árangur tilraunaverkefnisins er strax kominn í ljós því í þegar verkefnið var hálfnað sýndu tölur að rúmlega tvöfalt fleiri 23ja ára konur höfðu þegið boð um leghálsskimun á þessu ári miðað við 277 í fyrra. Í brjóstaskoðunum fjölgaði komum milli ára úr 254 í 572.

„Við merkjum sérstaklega mikla aukningu hjá þessum hópi og það verður áhugavert að sjá tölfræði í lok ársins þegar verkefninu lýkur,“ segir Halldóra að lokum.


Fleiri nýjar fréttir

KRA_MM2020_krabb-is_banner-hreyfing_1000x538_at2x

8. apr. 2021 : Mottumarsherferðin frá 2020 tilnefnd til Lúðursins

Mottumarsherferðin frá 2020, þar sem Laddi hvatti þjóðina til að hreyfa sig með dyggri aðstoð góðra manna, hefur verið tilnefnd til Lúðursins í flokki kvikmyndaðra auglýsinga í flokki samfélagsauglýsinga. 

Lesa meira
Silla

7. apr. 2021 : „Þetta er ekki aðeins til hins verra.“ Jens Pétur Jensen í Segðu mér á Rás 1

Jens Pétur Jensen fór að finna fyrir óvenjulegum verkjum en hugsaði ekki mikið út í þá. Hann fór sjaldan til læknis og kveinkaði sér aldrei. En þetta var krabbamein. Frá greiningu hefur Jens hins vegar sett sér ákveðin markmið og ákvað að sjá ljósið í myrkrinu. 

Lesa meira
Skógarhlíð

6. apr. 2021 : Covid-19 og nýgengi krabbameina - grein í Læknablaðinu

Í nýjasta tölublaði Læknablaðsins má finna grein sem er meðal annarra skrifuð af sérfræðingum sem starfa við rannsókna -og skráningarsetur Krabbameinsfélagsins. 

Lesa meira
Screen-Shot-2021-03-31-at-11.18.46

31. mar. 2021 : Mataræði skiptir máli - frábær Mexíkó-fiskréttur frá Sigurveigu

Sigurveig Káradóttir er landsþekkt fyrir fádæma góðan smekk og tilþrif við matreiðslu. Hún var svo væn að leyfa okkur að fá afar girnilega uppskrift að Mexíkó-fiskrétti sem væri frábær á föstudaginn langa. 

Lesa meira

28. mar. 2021 : Kastað í lag til stuðnings starfi Krabba­meins­félagsins

„Mig langar til að láta gott af mér leiða og leggja mitt af mörkum til að styðja öflugt starf Krabbameinsfélagsins“ segir Kristján R. Guðnason sem var að gefa út lagið „Lífsins ljós” sem tileinkað er félaginu og starfi þess.

Lesa meira

Var efnið hjálplegt?