Ása Sigríður Þórisdóttir 13. maí 2020

Mikil eftirspurn eftir skimun hjá Leitarstöðinni

  • Guðrún Birgisdóttir, geislafræðingur, í brjóstamyndatöku á Leitarstöð 2019.

Til að koma til móts við mikla eftirspurn eftir skimun hefur Leitarstöðin fjölgað tímum í legháls- og brjóstaskimunum. Tímapantanir í síma 540 1919

Konur hafa tekið vel við sér eftir að Leitarstöð Krabbameinsfélagsins opnaði á ný þann 4. maí eftir tímabundna lokun vegna Covid-19. Til að koma til móts við mikla eftirspurn eftir skimun hefur Leitarstöðin fjölgað tímum í legháls- og brjóstaskimunum. Þess er gætt að fylgja eftir leiðbeiningum frá sóttvarnaryfirvöldum.

„Þetta eru afar ánægjulegt tíðindi því skimanir eru mikilvægur liður í því að greina krabbamein á forstigi og draga þannig úr líkum á dauðsföllum af völdum þeirra. Við vitum að það er nánast hægt að koma í veg fyrir leghálskrabbamein með reglubundinni skimun og greiningu á forstigi og með skimun fyrir brjóstakrabbameinum aukast líkur á að meinin finnist snemma, sem eykur líkur á lækningu. Við hvetjum konur til að bregðast við og panta tíma hafi þær fengið boð í skimun,“ segir Ágúst Ingi Ágústsson yfirlæknir Leitarstöðvar.

Gjaldfrjáls skimun skilar árangri

Krabbameinsfélagið telur mikilvægt að skimun verði gjaldfrjáls og hefur lagt það til við stjórnvöld, til að tryggja jafnt aðgengi að skimun.

Félagið hefur unnið markvisst að því undanfarin ár að auka þátttöku kvenna í skimunum með góðum árangri. Á síðasta ári stóð félagið fyrir tilraunaverkefni þar sem konum, sem var boðið í fyrsta sinn í skimun, bauðst hún þeim að kostnaðarlausu. Var það gert til að kanna hvort kostnaður við skimun hefði áhrif á þátttöku kvenna. Verkefnið var fjármagnað af Krabbameinsfélaginu. Niðurstöður verkefnisins voru afgerandi, 27% kvenna á 23. aldursári og 11% kvenna á 40. aldursári sögðust ekki hafa mætt í skimun nema af því að hún var ókeypis. Því er ljóst að gjaldfrjáls skimun skiptir miklu máli en 34% aukning var milli ára á komum í skimun meðal 23 ára kvenna í leghálsskimun og 51% hjá 40 ára konum í brjóstaskimun. Skimun er ókeypis á flestum Norðurlandanna, til að tryggja jafnt aðgengi að henni.

Erfðagjöf frá Láru Vigfúsdóttur kemur þúsundum kvenna til góða

Leitarstöðinni barst á síðasta ári vegleg erfðagjöf frá innanhússarkitektinum Láru Vigfúsdóttur frá Vestmannaeyjum. Ákveðið var að nýta gjöfina í þágu kvenna með því að bjóða áfram gjaldfrjálsa skimun. Þannig má reikna með að á þriðja þúsund konur, sem koma í fyrsta skipti í skimun fyrir krabbameinum njóti góðs af gjöf Láru. Þakklæti til Láru fyrir þessa stóru gjöf til samfélagsins er mikið.


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?