Löður bílaþvottastöð er stoltur styrktaraðili Mottumars
Krabbameinsfélaginu færður veglegur styrkur.
Linda Björk Jónsdóttir skrifstofu - og starfsmannastjóri Löðurs kom á dögunum í góða heimsókn í Skógarhlíðina og afhenti Krabbameinsfélaginu myndarlegan styrk að upphæð kr. 850.000, sem var meðal annars afrakstur mottuþrifa á þvottastöð Löðurs á Fiskislóð í mars og bílaþvottar á öllum stöðvum Löðurs á mottudaginn, 11. mars.
Halla Þorvaldsdóttir, framkvæmdastjóri Krabbameinsfélagsins tók á móti styrknum í blíðviðrinu í Skógarhlíð. Krabbameinsfélagið færir starfsfólki og viðskiptavinum Löðurs sólar- og þakklætiskveðjur!