Sigriður Sólan Guðlaugsdóttir 27. jún. 2019

Lætur af störfum eftir 31 ár við smásjána

Auður Eiríksdóttir, lífeindafræðingur, lét af störfum fyrir Krabbameinsfélagið í gær, en hún hefur starfað við frumurannsóknir hjá félaginu í 31 ár og skoðað vel á 200.000 leghálssýni. 

Auður vann sem deildarstjóri frumurannsóknarstofunnar í 17 ár. Hún ákvað fyrir nokkrum árum að hætta á 69. aldursárinu og hóf þá að draga smám saman úr ábyrgð sinni. Hún hætti sem deildarstjóri árið 2017 og við starfinu tók Þorbjörg Jónsdóttir, en hún hefur unnið við hlið Auðar í mörg ár.

„Það hefur verið heiður að fá að starfa með Auði öll þessi ár. Hún hefur viðamikla þekkingu á öllu sem við kemur leghálssýnum og hefur með kennarahæfileikum sínum miðlað þeirri þekkingu til samstarfsfólks síns. Hún hefur einnig staðið með okkur í lífins ólgusjó sem er ómetanlegt,“ segir Þorbjörg og bætir við að á frumurannsóknarstofunni hafi ríkt góður starfsandi og starfsmannavelta hafi verið lítil: „Þökk sé Auði.“

Dagurinn í gær var stór dagur í lífi Auðar sem vann sinn síðasta vinnudag, en segist þó muni heimsækja Skógahlíðina reglulega. 

„Það er hins vegar óneitanlega skrýtin tilfinning sem bærist innra með manni þegar maður er að hætta störfum, sérstaklega þegar maður hefur starfað svona lengi á sama vinnustað,“ segir Auður sem mun þó ekki sitja auðum höndum eftir starfslokin, því fjöldi verkefna bíða hennar í tengslum við heimili og fjölskyldu.

Krabbameinsfélagið þakkar Auði ómetanlegt starf í þágu skimana fyrir leghálskrabbameini og óskar henni alls hins besta í framtíðinni.  

Fruma2-1000

Á myndinni er Auður í hópi samstarfsfólks á Frumurannsóknarstofunni. Frá vinstri Hrafnhildur Óttarsdóttir, Auður Eiríksdóttir, Ingibjörg Guðmundsdóttir, Guðný Ása Þorsteinsdóttir, Þorbjörg Jónsdóttir, Herdís J. Guðjónsdóttir, Hafdís Hafsteinsdóttir og Þórdís Björg Kristinsdóttir.


Fleiri nýjar fréttir

19. ágú. 2022 : Enn styrkist þekkingargrunnurinn sem undirstrikar mikilvægi forvarna gegn krabbameinum

Niðurstöður nýrrar rannsóknar sem birtust í Lancet tímaritinu í vikunni benda til þess að í næstum helmingi tilfella dauðsfalla af völdum krabbameina megi rekja orsök meinanna til áhættuþátta sem koma mætti í veg fyrir. Á meðal þessara áhættuþátta eru þeir þrír helstu tóbaksreykingar, áfengisneysla og of mikil líkamsþyngd.

Lesa meira
Gunnar Ármannsson hlaupari

18. ágú. 2022 : Heilsufarsávinningur fyrir þig og leið til að styðja góð málefni - það gerist varla betra!

Í gegnum áratugina hefur Reykjavíkurmaraþonið verið hvati margra til að fara að stunda regluleg hlaup og göngur sem er sannarlega frábært því að þeir sem stunda reglulega hreyfingu draga úr líkum á krabbameinum og fjölda annarra sjúkdóma.

Lesa meira

10. ágú. 2022 : Meðvera ný samskiptagátt bætir þjónustu við krabbameinssjúklinga

Krabbameinsfélagið er afar stolt af því að hafa átt þátt í að koma þessu þarfa verkefni á laggirnar. Það var brýnt að finna nýjar og nútímalegri leiðir til að tryggja og efla samskipti milli fagfólks og þeirra sem eru í krabbameinsmeðferð.

Lesa meira

9. ágú. 2022 : Embætti landlæknis og Krabbameinsfélagið endurnýja þjónustusamning um Krabbameinsskrá

Halla Þorvaldsdóttir, framkvæmdastjóri Krabbameinsfélagsins segir það mikið ánægjuefni að gengið hafi verið frá áframhaldandi samkomulagi um rekstur skrárinnar sem hefur verið starfrækt hjá félaginu af mikilli fagmennsku í nærri 70 ár. Það er trú okkar að með því að hún sé hluti af Rannsókna- og skráningarsetri félagsins séu bæði gæði og hagnýting skrárinnar sem best tryggð“ segir Halla.

Lesa meira

12. júl. 2022 : Slökkviliðsstörf eru krabbameinsvaldandi

Alþjóðlega krabbameinsrannsóknarstofnunin (IARC), hefur breytt hættu­flokk­un starfs slökkviliðsmanna í staðfest krabba­meinsvald­andi varðandi krabbamein í fleiðru og krabbamein í þvagblöðru.

Lesa meira

Var efnið hjálplegt?