Guðmundur Pálsson 16. ágú. 2018

Krabbameinsfélagið með bás á Fit & Run sýningunni

Krabbameinsfélagið er með bás á Fit & Run sýningunni sem er haldin samhliða skráningarhátíð Reykjavíkurmaraþonsins í Laugardalshöllinni fimmtudaginn 16. ágúst kl. 15:00-20:00 og föstudaginn 17. ágúst kl. 14:00-19:00. Það er frítt inn og allir eru velkomnir.

Okkur þætti ákaflega vænt um ef þeir sem hlaupa fyrir Krabbameinsfélagið gætu gefið sér tíma til að koma við hjá okkur og sækja borða sem á stendur „Ég hleyp af því ég get það" og hægt er að hafa framan á hlaupabolnum. Okkur langar líka að hitta þig og þakka fyrir stuðninginn. Að sjálfsögðu eru allir þeir velkomnir til okkar á básinn sem vilja kynna sér starf Krabbameinsfélagins. 

Hvatningarstöð í Reykjavíkurmaraþoninu á laugardaginn 

Á sjálfan hlaupadaginn, laugardaginn 18. ágúst munum við svo að sjálfsögðu mæta niður í bæ til að hvetja okkar fólk. Við verðum með hvatningarstöð á Ægissíðu til móts við Dunhaga og mætum með kúabjöllu og lofum miklu fjöri:)

Krabbameinsfélagið þakkar öllum þeim sem hlaupa til góðs fyrir félagið í Reykjavíkurmaraþoninu 18. ágúst! 

Eg-hleyp-landscape


Fleiri nýjar fréttir

17. maí 2022 : 70 ár fyrir 70 andlit - Bjarni Bjarnason

Bjarni Bjarnason læknir var formaður Krabbameinsfélags Íslands frá 1966 til 1973 en hafði áður verið varaformaður þess síðan 1960. Hann var í stjórn Krabbameinsfélags Reykjavíkur frá 1951 og formaður frá 1960 til 1965. 

Lesa meira

16. maí 2022 : 70 andlit fyrir 70 ár - Guðbjartur Hannesson

Alþjóðlegi krabbameinsdagurinn 4. febrúar 2011 var merkisdagur. Þá tilkynnti Guðbjartur Hannesson, velferðarráðherra á árunum 2011 til 2013, að hann hygðist láta vinna krabbameinsáætlun fyrir Ísland. Ákvörðunina tengdi hann 60 ára afmæli Krabbameinsfélagsins.

Lesa meira

12. maí 2022 : Bjóðum Hörpu velkomna

Við erum stolt af því að bjóða nýjan starfsmann, Hörpu Ásdísi félagsráðgjafa, til starfa í ráðgjafarteymi Krabbameinsfélagsins. Harpa vann hjá Félagsþjónustu Reykjavíkur í 9 ár, áður en hún færði sig yfir á Reykjalund þar sem hún starfaði síðastliðin 22 ár.

Lesa meira

11. maí 2022 : Málþing: Krabba­meins­áætlun - á áætlun?

Málþing Krabbameinsfélags Íslands, laugardaginn 21. maí kl. 10 – 12 í Skógarhlíð 8, Reykjavík. Erindi á málþinginu flytja fulltrúar Krabba­meins­félagsins, Landspítala, heilbrigðis­ráðu­neytisins auk landlæknis.

Lesa meira

11. maí 2022 : 70 andlit í 70 ár - Lára Vigfúsdóttir

Fólk sem vill láta gott af sér leiða eftir sinn dag arfleiðir Krabbameinsfélagið reglulega að eigum sínum eða hluta þeirra. Lára Vigfúsdóttir, innanhússarkitekt frá Vestmannaeyjum er ein þeirra. Hennar erfðagjöf gerði Krabbameinsfélaginu mögulegt að bjóða fyrstu árgöngum sem boðið var í skimun fyrir legháls- og brjóstakrabbameinum á árinu 2020 ókeypis skimun. 

Lesa meira

Var efnið hjálplegt?