Karlarnir og kúlurnar 12. september
Þrettán ánægðir golfarar héldu heim á leið á þriðjudaginn eftir vel heppnaðan golfdag og þátttöku í Körlunum og kúlunum. Karlarnir og kúlurnar er samtarfsverkefni Krabbameinsfélags Íslands, Góðra Hálsa, Frískra manna og Krafts þar sem körlum sem fengið hafa krabbamein er gefið tækifæri koma saman og spila golf.
Jón Karlsson PGA golfkennari leiðbeindi þátttakendum með golfsveifluna áður en haldið var út á golfvöll og spilaðar 9 holur (Texas Scramble). Í ár fór mótið fram á Bakkakotsvelli í Mosfellsdal, þriðjudaginn 12. september.
Sigurvegarar mótsins kölluðu sig Klængi en þeir fóru völlinn Bakkakot (9 holur) á tveimur höggum undir pari, þ.e. 33 högg.
Við þökkum styrktaraðilum kærlega fyrir stuðninginn við þetta skemmtilega verkefni en þeir voru Halldór Jónsson, UnderArmour, Vöruhús, Íslandsbanki og Bæjarins Beztu pylsur.