Ása Sigríður Þórisdóttir 16. apr. 2020

Karlaklefinn samfélagsvefur ársins

Karlaklefinn er fræðsluverkefni á vegum Krabbameinsfélagsins unnið í samvinnu við Hugsmiðjuna. Þar eru viðkvæm viðfangsefni rædd án málalenginga, fjallað um krabbamein, forvarnir og leiðir til betri almennrar heilsu.

Við erum afar stolt yfir að Karlaklefinn.is hafi verið valinn samfélagsvefur ársins á Íslensku vefverðlaununum.

Hugmyndin að Karlaklefanum kemur frá starfsmönnum Krabbameinsfélagsins og hefur félagið átt frábært samstarf við Hugsmiðjuna um tæknilegar útfærslur. Karlaklefinn er ekki átaksverkefni heldur langtímaverkefni sem ætlað er að vaxa og þróast.

Karlmenn leita sér upplýsinga í minna mæli en konur varðandi margt sem snertir heilsufar, þeir bregðast síður við einkennum og leita seinna til læknis. Markmið Krabbameinsfélagsins með Karlaklefanum er að auka áhuga karla á fróðleik og miðla upplýsingum um heilbrigðan lífsstíl, krabbamein og sjúkdómsferli, réttindamál, stuðning og viðbrögð aðstandenda og vinnufélaga svo dæmi séu tekin.

  • Samfélagsvefur ársins Karlaklefinn - Framleiðandi: Hugsmiðjan

Í umsögn dómnefndar segir:
Samfélagsvefur ársins er skýr, þægilegur og stútfullur af gæðaefni. Einfalt er að vafra um vefinn og finna það sem leitað er að, en allt efnið er flokkað á nákvæman hátt og sett fram með stílhreinum hætti.



Fyrsti áfangi Karlaklefans var opnaður þann 1. mars 2019 í tilefni af upphafi Mottumars, árlegu fjáröflunar- og fræðsluátaki Krabbameinsfélagsins. Það var auglýsingastofan Brandenburg og framleiðslufyrirtækið Republik sem unnu eftirminnilega sjónvarpsauglýsingu sem segja má að hafi slegið rækilega í gegn
og á sjá með þvi að smella á myndina hér til hliðar.

 

 


Fleiri nýjar fréttir

16. apr. 2024 : Krabba­meins­skráning á Íslandi í 70 ár - Afmælis­málþing

Í tilefni af 70 ára afmæli krabbameinsskráningar á Íslandi býður Krabbameinsfélagið til afmælismálþings.

Lesa meira

16. apr. 2024 : Með þínum stuðningi getum við gert svo ótal margt!

Krabbameinsfélagið þakkar öllum þeim fjölmörgu sem lögðu félaginu lið í Mottumars, árverkni- og fjáröflunarátaki félagsins, í ár. Við erum hrærð yfir þeirri velvild, samkennd og hlýju sem við fundum svo vel fyrir. Öll starfsemi félagsins er rekin fyrir sjálfsaflafé og því er stuðningur almennings og fyrirtækja forsenda fyrir starfinu.

Lesa meira

12. apr. 2024 : Saga Ómars Einarssonar

Ómar fékk krabbamein í háls, árið 2008, á sama tíma og Geir H. Haarde blessaði Ísland. Hann var geislaður í upphafi og síðar skorinn. Í framhaldinu var honum bent á að hitta Ragnar Davíðsson, formann félagsins Ný rödd, sem er eitt af aðildarfélögum Krabbameinsfélagsins. Ragnar hafi hjálpað sér og öðrum mikið.

Lesa meira

8. apr. 2024 : Frábær þátttaka í Skegg­keppni Mottu­mars 2024

Þátttakendur í Skeggkeppni Krabbameinsfélagsins þetta árið voru 360 talsins og alls söfnuðust rétt rúmlega 7,3 milljónir króna. Krabbameinsfélagið þakkar öllum þeim sem tóku þátt og öllum sem styrktu.

Lesa meira

25. mar. 2024 : Saga Sigurgeirs Líndal Ingólfssonar

Sigurgeir segir að fræðslan og kynningin í kringum Mottumars sé þýðingarmikil og hafi ýtt við honum þegar einkenni gerðu vart við sig og gert það að verkum að hann fór til læknis. Einkennin voru ekki ólík þvagfærasýkingu en það var einmitt svarið sem hann fékk fyrst þegar hann leitaði sér hjálpar.

Lesa meira

Var efnið hjálplegt?