Birna Þórisdóttir 17. des. 2018

Jóladagatal Krabbameinsfélagsins: Mjólk og krabbamein

Eins og alþjóð veit eru íslensku jólasveinarnir aldir upp á tröllamjólk og bræðurnir Stekkjastaur, Giljagaur og Skyrgámur sérlega sólgnir í mjólk og mjólkurmat. En hver eru tengsl mjólkurneyslu við krabbamein? Í jóladagatali Krabbameinsfélagsins eru venjur íslensku jólasveinanna skoðaðar með nýstárlegum hætti.

Ekki er hægt að gefa afgerandi svar um tengsl mjólkurneyslu við krabbamein, enda krabbamein yfirheiti margra sjúkdóma sem þróast á ólíkan hátt. Fyrr á árinu birtu World Cancer Research Fund og American Institute for Cancer Research niðurstöður viðamikillar samantektar á tengslum mataræðis og krabbameins. Í sinni vinnu fóru sérfræðingar samtakanna kerfisbundið yfir rannsóknir sem standast strangar gæðakröfur. Niðurstöður varðandi mjólk og mjólkurvörur voru þær að:

  • Líklegt er að mjólkurneysla dragi úr áhættu á krabbameini í ristli og endaþarmi (probable evidence).
  • Mögulegt er að mjólkurneysla dragi úr áhættu á brjóstakrabbameini (limited - suggestive evidence).
  • Mögulegt er að mjólkurneysla auki áhættu á krabbameini í blöðruhálskirtli (limited - suggestive evidence).

Almennt benda rannsóknir til þess að mjólk og mjólkurvörur í hóflegu magni geti verið hluti af hollu og fjölbreyttu mataræði, sem stuðlar að góðri heilsu og lágmarks líkum á ýmsum langvinnum sjúkdómum. Mjólk og mjólkurvörur innihalda prótein, kalk, joð og önnur mikilvæg næringarefni. Íslenskar ráðleggingar um mataræði mæla með tveimur skömmtum á dag af fituminni og hreinum mjólkurvörum. Einn skammtur getur verið eitt glas, skál eða dós af mjólkurmat eða tvær ostsneiðar. Mjólkurneysla er þó ekki nauðsynlegur hluti af hollu mataræði. Einstaklingar sem kjósa að sleppa mjólkurvörum þurfa að passa að fá nóg kalk, til dæmis með því að nota kalkbætta jurtamjólk.

Krabbameinsfélagið tekur undir íslensku ráðleggingarnar um að hófleg neysla á mjólk og mjólkurvörum geti verið hluti af hollu mataræði, þar sem áherslan er á fjölbreytni í fæðuvali. Stekkjastaur, Giljagaur og Skyrgámur gleðjast eflaust yfir því.

Tengdar greinar:

Jóladagatal - svefn og krabbamein

Jóladagatal - uppáhaldið hans Pottaskefils

Jóladagatal - kjöt og krabbamein

Jóladagatal - hreyfum okkur um jólin


Fleiri nýjar fréttir

5. des. 2019 : Hvernig nennirðu þessu?

Í dag er alþjóðadagur sjálfboðaliða og Árni Einarsson formaður Krabbameinsfélags höfuðborgarsvæðisins skrifar:

Lesa meira

4. des. 2019 : Stuðningur við fagaðila sem vinna með börn eftir foreldramissi

Krabbameinsfélagið undirbýr nú opnun fræðslu- stuðnings- og handleiðslumiðstöðvar sem ætluð er fagaðilum sem vinna í nærumhverfi barna sem misst hafa foreldri. Samkvæmt gögnum frá Hagstofu Íslands má gera ráð fyrir að um 100 börn missi foreldri ár hvert.

Lesa meira

4. des. 2019 : Ljósabekkjanotkun helst óbreytt milli ára

Árlegri könnun á notkun ljósabekkja á Íslandi er nýlega lokið. Könnunin er framkvæmd af Gallup fyrir hönd samstarfshóps Geislavarna, Embættis Landlæknis, húðlækna og Krabbameinsfélagsins.

Lesa meira

2. des. 2019 : Rautt eða hvítt?

Aðventan er sá tími árs þegar margir leggja áherslu á að halda í ýmis konar hefðir, yfirleitt í hópi vina eða fjölskyldu. Hefðirnar eru af ýmsum toga svo sem jólahlaðborð og jólatónleikar svo eitthvað sé nefnt og oft er vín haft um hönd.

Lesa meira

29. nóv. 2019 : Býður hjúkrunarfræðingum í Bláa Lónið

Bergljót Inga Kvaran, yfirhjúkrunarfræðingur á Heilsugæslunni Höfða, var dregin út í vinkonuleik Krabbameinsfélagsins og Bleiku slaufunnar í ár og hlaut í verðlaun dekur fyrir 6 á Retreat Spa í Bláa Lóninu og óvissuferð á Lava Restaurant. Bergljót kom og sótti vinninginn í Skógarhlíðina í dag.

Lesa meira

Var efnið hjálplegt?