Birna Þórisdóttir 22. des. 2018

Jóladagatal Krabbameinsfélagsins: Hreyfum okkur um jólin

Þó jólasveinarnir séu miklir matarunnendur þá hreyfa þeir sig líka mikið, milli fjalla, sveita og bæja. Hreyfing minnkar líkur á krabbameini og flestir hafa gott af því að hreyfa sig meira og sitja minna. Í jóladagatali Krabbameinsfélagsins í dag, því síðasta af fimm, eru hugmyndir að hreyfingu sem hægt er að gera heima og í heimabyggð, sóttar í smiðju jólasveinanna.

Hreyfing hefur áhrif á líkamsstarfsemina, meðal annars efnaskiptaferla, losun hormóna og annarra efna, bólgu- og ónæmisviðbrögð, og stuðlar að heilbrigðri líkamsþyngd. Þetta vinnur allt saman til að minnka líkur á krabbameini. Embætti landlæknis mælir með að fullorðið fólk hreyfi sig að lágmarki í 30 mínútur á dag og börn og unglingar að lágmarki í 60 mínútur á dag.

Í jólaösinni í desember er hætt við því að dagleg hreyfing verði útundan og erfitt getur reynst að koma henni inn í sjálfa jóladagskrána. Hér koma nokkrar hugmyndir að hreyfingu eða léttum æfingum, sóttar í smiðju jólasveinanna.

  • Gáttaþefur rann „léttur eins og reykur“ á ilm af laufabrauði og víða má búast við góðri lykt út um eldhúsglugga ef gengið er í byggð um jólin. Við mælum sérstaklega með gönguferðum í dagsbirtu því birtan gerir okkur svo gott. Svo er það, að þó við mælum ekki með því að fólk laumist á skjái eins og Gluggagægir þá er gaman að sjá jólaljós í gluggum ef gengið er í myrkri.
  • Þeir sem leggja í meiri áreynslu geta sótt innblástur til Þvörusleikis þegar hann „þaut eins og elding“ inn í eldhús að grípa þvöruna. Létt skokk eða fjallgöngur um jólin eru endurnærandi fyrir líkama og sál.
  • Fyrir þá sem ekki komast út og vilja taka heimaæfingu er hægt að ganga á staðnum, sippa, stunda jóga, taka stofuleikfimi eða bara standa upp og teygja vel úr sér. Á Youtube má finna fjöldan allan af myndböndum með heimaæfingum þannig að það er bara að velja hvað manni líst vel á.
  • Barnafólk getur svo alltaf tekið Kertasníki sér til fyrirmyndar og virkjað smáfólkið í eltingaleik og aðra ærslaleiki. Þá er bara spurning hver þreytist fyrst.

Sérfræðingar Krabbameinsfélagsins í fræðslu og forvörnum þakka fyrir samfylgdina í jóladagatalinu og óska landsmönnum gleðilegra jóla.

Tengdar greinar:

Jóladagatal - mjólk og krabbamein

Jóladagatal - svefn og krabbamein

Jóladagatal - uppáhaldið hans Pottaskefils

Jóladagatal - kjöt og krabbamein


Fleiri nýjar fréttir

Arnar Pétursson og Berglind Alda Ástþórsdóttir

22. ágú. 2019 : Hvatningarbönd fyrir hlaupara í Reykjavíkurmaraþoni

Krabbameinsfélagið býður öllum hlaupurum sem taka þátt í Reykjavíkurmaraþoninu ennisband eða fyrirliðaband með slagorðunum „Ég hleyp af því ég get það.“

Lesa meira

15. ágú. 2019 : Aukaskoðun í Vestmannaeyjum 22. og 23. ágúst

Afar dræm þátttaka var í skimun fyrir brjóstakrabbameini í Vestmannaeyjum í vor og kom í ljós að mistök höfðu átt sér stað í póstsendingu boðsbréfa sem ekki bárust öllum konum sem komið var að í skimun.

Lesa meira

15. ágú. 2019 : Opnunartími Krabbameinsfélagsins í vetur

Starfsfólk Krabbameinsfélags Íslands er að mestu komið til starfa eftir sumarleyfi og hefðbundin starfsemi er hafin. 

Lesa meira

12. ágú. 2019 : Opið fyrir umsóknir í vísindasjóð norrænu krabbameinssamtakanna

Vakin er athygli á því að opið er fyrir umsóknir í vísindasjóð NCU (Norrænu krabbameinssamtakanna). Umsóknarfrestur er til og með 2. september næstkomandi.

Lesa meira
Brjóstaskoðun á Leitarstöð

9. ágú. 2019 : Mikil eftirspurn eftir tímum í skimun

Aldrei hafa jafnmargar tímapantanir í skimun beðið starfsfólks Leitarstöðvarinnar að loknum sumarleyfum og nú. Um 800 tölvupóstar biðu afgreiðslu og er nú unnið að því að bæta við tímum til að anna eftirspurn. 

Lesa meira

Var efnið hjálplegt?