Jóhannes Tómasson er látinn
-
Tómas Árni Jónasson, faðir hans. Myndin er tekin í 60 ára afmæli Krabbameinsfélagsins í júní árið 2011.
Jóhannes Tómasson, blaðamaður og fyrrverandi upplýsingafulltrúi, lést á Landspítalanum í Fossvogi þann 28. október sl. eftir snarpa og krefjandi baráttu við krabbamein, langt fyrir aldur fram. Við leiðarlok þakkar Krabbameinsfélagið Jóhannesi vinsemd og vel unnin störf í þágu félagsins og vottar fjölskyldu hans innilega samúð.
Jóhannes var alla tíð virkur í félagsstörfum og beitti sér meðal annars í baráttunni við krabbamein. Þar fylgdi hann eftir starfi föður síns, Tómasar Árna Jónassonar sem var mikill frumkvöðull í baráttunni gegn krabbameinum, meðal annars í störfum fyrir Krabbameinsfélag Reykjavíkur.
Jóhannes var kosinn í stjórn Krabbameinsfélags Íslands árið 1999 og var varaformaður félagsins til ársins 2007. Á sama tíma var hann formaður Krabbameinsfélags höfuðborgarsvæðisins. Jóhannes var kjörinn í heiðursráð Krabbameinsfélagsins árið 2011.
Jóhannes var aldrei langt undan þegar Krabbameinsfélagið þurfti á hans liðsinni að halda og félagið sér á eftir mjög öflugum hugsjónamanni sem aldrei lá á liði sínu. Eplið fellur ekki langt frá eikinni og Anna dóttir Jóhannesar hefur fetað í fótspor föður síns og setið í stjórn Krabbameinsfélags höfuðborgarsvæðisins og hljóp til styrktar Krabbameinsfélaginu í Reykjavíkurmaraþoninu í sumar.
Við leiðarlok þakkar Krabbameinsfélagið Jóhannesi vinsemd og vel unnin störf í þágu félagsins og vottar fjölskyldu hans innilega samúð.