„Hleyp til heiðurs pabba”
Marinó hleypur til styrktar Krabbameinsfélaginu og heiðrar um leið minningu föður síns.
Reykjavíkurmaraþon Íslandsbanka 2021 verður haldið í 37. sinn þann 21. ágúst. Hlaupurum gefst kostur á að hlaupa til styrktar góðs málefnis og fer áheitasöfnunin fram á hlaupastyrkur.is.
Meðal þátttakenda verður Marinó Eggertsson en hann hleypur til styrktar Krabbameinsfélaginu og heiðrar um leið minningu föður síns.
„Ég veit fyrir víst að pabbi væri fyrstur að mæta til þess að hvetja mig til dáða og er leitt að geta ekki haft hann hjá mér í þetta sinn. Ég hleyp því fyrir hann og safna áheitum fyrir Krabbameinsfélag Íslands sem vinnur gríðarlega mikilvægt starf í baráttunni við krabbamein", segir Marinó sem hefur þegar safnað 100.000 kr.
Marinó ásamt föður sínum.