Heimsókn á Leitarstöðina
Spurningar og svör um þátttöku í skimun sem gott er að kynna sér. Hvenær á ég að mæta? Hvar sé ég niðurstöður?
- Hvar sé ég hvenær ég fór síðast í skimun og fékk síðast boð í skimun?
Á ,,mínum síðum” á heilsuvera.is og island.is geta konur nálgast skimunarsögu sína og séð hvenær þær hafa fengið boð í skimun og hvenær þær hafa mætt. Skimunarsagan nær aftur til ársins 2006. - Hvar sé ég niðurstöðurnar úr skimun?
Frá og með mars 2020 birtast niðurstöður skimunar á ,,mínum síðum” á island.is, bæði þegar þær gefa tilefni til nánari skoðunar og þegar niðurstöður eru eðlilegar. Allt að mánuð getur tekið að fá svar, en stundum tekur það skemmri tíma. Athugið að nauðsynlegt er að nota rafræn skilríki til að sjá niðurstöður á island.is. - Skimun fyrir leghálskrabbameini
Konum á aldrinum 23 – 65 ára er boðið á þriggja ára fresti í skimun fyrir leghálskrabbameinum (en oftar ef þær eru undir sérstöku eftirliti).
Ef niðurstöður gefa ástæðu til frekari rannsókna sendir Leitarstöðin rafrænt bréf (birtist á ,,mínum síðum” á islands.is) þar sem konum er ráðlagt að panta tíma í frekari rannsókn á Leitarstöð. Þau skilaboð eru ítrekuð með bréfi í pósti hafi konan ekki komið til frekari rannsóknar innan tilskilins tíma. - Skimun fyrir krabbameinum í brjóstum
Konum á aldrinum 40 – 69 ára er boðið á tveggja ára fresti (nema þær séu undir sérstöku eftirliti) í skimun fyrir krabbameinum í brjóstum. Konum 70 ára og eldri er frjálst að mæta í skimun á tveggja ára fresti en fá ekki send boð.
Ef niðurstöður gefa ástæðu til frekari rannsókna tekur Brjóstamiðstöð Landspítala við málinu, hefur samband við konuna og býður henni í frekari rannsókn. - Endurskoðun sýna
Skoðuð verða um 6000 sýni. Ef endurskoðun sýna gefur tilefni til endurinnköllunar er hringt samdægurs í viðkomandi konur. - Nánari upplýsingar, tímapantanir og skoðunarstaði má finna hér.
