Sigurlaug Gissurardóttir 14. nóv. 2016

Gullsmiðir söfnuðu 1,8 milljón króna fyrir Krabbameinsfélagið

Fullrúar Félags íslenskra gullsmiða hafa afhent Krabbameinsfélaginu 1,8 milljónir króna sem söfnuðust vegna sölu á viðhafnarútgáfu af Bleiku slaufunni í október. Um var að ræða hálsmen úr silfri gert í takmörkuðu upplagi. Lovísa Halldórsdóttir og Unnur Eir Björnsdóttir frá Félagi íslenskra gullsmiða afhentu Kolbrúnu Silju Ásgeirsdóttur, kynningar- og fjáröflunarstjóra Krabbameinsfélagsins, styrkinn í gær í Húsi atvinnulífsins. Lovísa og Unnur Eir hönnuðu Bleiku slaufuna í ár að undangenginni hugmyndasamkeppni en þær lýsa formi slaufunnar þannig að hún  tákni stuðningsnetið sem mikilvægast er þeim konum sem greinast með krabbamein - fjölskylduna og samfélagið. Allur ágóði af sölu slaufunnar í ár rennur til kaupa á endurnýjuðum tækjabúnaði sem er ætlaður til leitar að brjóstakrabbameini.

Bleika_SlaufanSILFURlitil

Félag íslenskra gullsmiða samanstendur af 27 gullsmíðafyrirtækjum sem öll lögðust á eitt við að ná markmiði félagsins að selja viðhafnarútgáfuna í október. Arna Arnardóttir, formaður Félags íslenskra gullsmiða, segir ánægjulegt að gullsmiðir geti með þessum hætti stutt við starfsemi Krabbameinsfélagsins og um leið styrkt samstöðu meðal gullsmiða. „Að taka þátt í svona mikilvægu góðgerðarátaki sem snertir okkur öll þjappar okkur saman og sýnir að með góðri samvinnu getum við látið gott af okkur leiða. Það er gaman að segja frá því að þetta er í fimmta skipti sem félögin tvö hafa samstarf um hönnun Bleiku slaufunnar og sú hefð sem hefur skapast með samstarfinu er einstök í heiminum. Það eru fjölmargir sem safna slaufunni ár frá ári og hróður íslenskra hönnuða berst langt út fyrir landsteinana. Frá því samvinnan hófst hefur Félag íslenskra gullsmiða safnað tæpum 7 milljónum króna sem hafa runnið beint til Krabbameinsfélagsins.“

Á meðfylgjandi mynd tekur Kolbrún Silja Ásgeirsdóttir (t.v.), kynningar- og fjáröflunarstjóri Krabbameinsfélagsins, við styrknum frá Lovísu Halldórsdóttur og Unni Eir Björnsdóttur sem hönnuðu Bleiku slaufuna í ár.


Fleiri nýjar fréttir

20. des. 2019 : Jóladagatal: Kjöt og krabbamein

Sagt er að þegar íslensku jólasveinarnir komi til byggða leiti þeir einna helst í eldhús og búr. Ketkrókur og Bjúgnakrækir næla sér í kjötbita á meðan Stúfur hirðir agnirnar sem hafa brunnið við pönnuna. En eru tengsl milli kjötneyslu og krabbameins?

Lesa meira

16. des. 2019 : Jóladagatal: Gómsætar fiskuppskriftir í aðdraganda jóla

Þar sem kjöt er ómissandi þáttur jólahalds hjá mörgum Íslendingum er upplagt síðustu vikurnar fyrir jól að borða vel af fiski og jurtafæði. Ríkuleg neysla af heilkornavörum, grænmeti, ávöxtum, baunum og linsubaunum dregur úr líkum á krabbameini. Lax í mangó eða pönnusteikt rauðspretta? Fáðu uppskriftirnar!

Lesa meira

13. des. 2019 : Jóladagatal: Hreyfum okkur í desember

Hreyfing minnkar líkur á krabbameini og flestir hafa gott af því að hreyfa sig meira og sitja minna. Þó jólasveinarnir séu miklir matarunnendur þá hreyfa þeir sig líka mikið, milli fjalla, sveita og bæja. Hér eru hugmyndir að hreyfingu sem hægt er að gera heima og í heimabyggð, sóttar í smiðju jólasveinanna.

Lesa meira
Hlaðvarp

12. des. 2019 : Nýtt: Hlaðvarp Krabbameinsfélagsins

Hlaðvarp Krabbameinsfélagsins hefur göngu sína í dag. Þættirnir verða sendir út vikulega og munu fjalla um ýmislegt sem tengist betri heilsu og líðan.

Lesa meira

12. des. 2019 : Jóladagatal: Mjólk og krabbamein

Eins og alþjóð veit eru íslensku jólasveinarnir aldir upp á tröllamjólk og bræðurnir Stekkjastaur, Giljagaur og Skyrgámur sérlega sólgnir í mjólk og mjólkurmat. En hver eru tengsl mjólkurneyslu við krabbamein?

Lesa meira

Var efnið hjálplegt?