Guðmundur Pálsson 18. nóv. 2017

Góður árangur bólusetningar gegn leghálskrabbameini og forstigsbreytingum þess

Nýlega birti læknatímaritið Clinical Infectious Diseases uppgjör á rannsókn sem gerð var á Norðurlöndunum á áhrifum bólusetningar gegn leghálskrabbameini og forstigsbreytingum þess ( https://doi.org/10.1093/cid/cix797 ).

Bólusetning með bóluefninu Gardasil var gerð á 2650 konum á Norðurlöndunum á árunum 2002-2003 og til samanburðar tóku álíka margar óbólusettar konur einnig þátt. Alls tóku 710 íslenskar konur, 18-23 ára, þátt í rannsókninni. Leitarstöð Krabbameinsfélagsins og Embætti landlæknis sáu um framkvæmd hins íslenska hluta rannsóknarinnar.

Krabbameinsskrá Krabbameinsfélagsins tók í kjölfarið að sér langtíma eftirfylgd með íslenska rannsóknarhópnum. Í 12 ára uppgjöri rannsóknarinnar kom í ljós að engin bólusett kona hafði greinst með leghálskrabbamein eða alvarlegar forstigsbreytingar af völdum þeirra veirutegunda sem bólusett var gegn (HPV 16/18). Þessi niðurstaða lofar mjög góðu varðandi árangur bólusetningarinnar.

Á Íslandi hófst almenn bólusetning gegn leghálskrabbameini og forstigsbreytingum þess á árinu 2011 hjá 12 ára stúlkum. Hér á landi hefur bóluefnið Cervarix verið notað og hefur þátttakan verið með ágætum eða um 90%. Reiknað er með að bólusetningin leiði til 55% lækkunar alvarlegra forstigsbreytinga og 70% lækkunar leghálskrabbameina. 

Miðað við núverandi ástand á Íslandi mun því bólusetningin koma árlega í veg fyrir um 166 tilfelli af alvarlegum forstigsbreytingum og 11 tilfelli leghálskrabbameina hér á landi. Reikna má með enn meiri vernd í framtíðinni ef tekin verða upp nýrri bóluefni sem beinast gegn fleiri veirustofnum.

KI_20sep-187-minni


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?