Góð gjöf frá góðum grönnum
Eva Þórhildur Kallio og Salka Björnsdóttir, sem eru í 4. bekk í grunnskólanum Hjalla sem er í næsta húsi við Krabbameinsfélagið, komu á dögunum færandi hendi í heimsókn.
Þær færðu Krabbameinsfélaginu 4.600 kr. að gjöf sem þær höfðu safnað með því að selja teiknimyndasögur, origami og perl.
Þær vildu styrkja Krabbameinsfélagið af því þær vita að það er rosalega slæmt og vont að fá krabbamein eins og þær orðuðu það.
Þessar hressu stelpur notuðu tækifærið og spurðu út í alls konar er lýtur að krabbameinum og fengu góð svör. Það á pottþétt eftir að kveða meira að þeim stöllum í framtíðinni. Við hjá Krabbameinsfélaginu þökkum þeim kærlega fyrir stuðninginn.