Fréttasafn

Anna Margrét Björnsdóttir 17. feb. 2023

Gleðigjafar í heimsókn

  • Börn að leik fyrir utan Krabbameinsfélag Íslands.

Það var fjör í brekkunni fyrir utan Krabbameinsfélagið í gær þegar nýir nágrannar okkar nýttu góðfúslegt leyfi sem þeim hefur verið veitt til að renna sér þar á snjóþotum.

Það urðu vistaskipti í Skógarhlíðinni fyrir nokkru þegar starfsfólk heilbrigðisráðuneytis færði sig um set og Hjallastefnuleikskóli kom í staðinn. Að okkar fyrri nágrönnum ólöstuðum hefur óneitanlega lifnað yfir nágrenninu. Það er ekki síst vegna þess að hinir nýju nágrannar renna sér talsvert meira á snjóþotum heldur en fyrri íbúar. Fátt gleður nefnilega meira heldur en börn að leik.

Það skal tekið fram að þótt það glitti í bíla á myndinni er grasbalinn fyrir neðan brekkuna drjúgur. Engin hætta skapast því af iðjunni, auk þess sem barnanna er vel gætt á meðan af starfsfólki leikskólans.

Fleiri nýjar fréttir

5. des. 2023 : Aðstoð við að velja mat sem eykur heilbrigði og vellíðan

Við þurfum hjálp! Ákall til matvælaframleiðenda og sölu- og markaðsaðila matvæla. Mörg fyrirtæki standa sig vel þegar kemur að markaðssetningu á mat og drykkjarvöru. Sum fyrirtæki sem bjóða upp á heilsueflandi mat en einnig mat- og drykkjarvörur sem geta haft neikvæð áhrif á heilsu hlífa til dæmis börnum við markaðssetningu á slíkum vörum.

Lesa meira

4. des. 2023 : Kírópraktorstöðin styrkir Bleiku slaufuna

Kírópraktorstöðin afhenti á dögunum 500.000 krónur til Krabbameinsfélagsins. Upphæðin er afrakstur af einstaklega vel heppnuðu Konukvöldi sem þau stóðu fyrir í tilefni af Bleikum október. Krabbameinsfélagið þakkar kærlega fyrir stuðninginn, sem kemur að góðum notum.

Lesa meira

4. des. 2023 : Ný rannsókn styður við einstaklingssniðna meðferð

Ný íslensk rannsókn sem birtist í dag í npj Breast Cancer og var unnin í samstarfi Krabbameinsfélagsins við meinafræðideild og krabbameinslækningadeild Landspítala, og við Háskóla Íslands. 

Lesa meira

2. des. 2023 : Taktu þátt í skemmtilegum jólaleik

Litríkt, jólalegt og hollt á borðið þitt. Krabbameinsfélagið í samstarfi við Banana og Hagkaup óska eftir jólalegum útfærslum á framsetningu á grænmeti, ávöxtum og berjum til að nýta á jólaborðið eða veislubakkann. Veglegir vinningar í boði.

Lesa meira

1. des. 2023 : Minningarorð um Jón Þorgeir Hallgrímsson

Jón Þorgeir Hallgrímsson, læknir, fyrrverandi formaður Krabbameinsfélags Íslands og Krabbameinsfélags Reykjavíkur lést þann 21. nóvember sl., 92 ára að aldri. Jóns Þorgeirs er minnst hjá Krabbameinsfélaginu með mikilli virðingu og þakklæti. Aðstandendum vottar félagið innilega samúð. 

Lesa meira
Var efnið hjálplegt?
Já Nei