Ása Sigríður Þórisdóttir 5. jan. 2022

Fundur með heilbrigðisráðherra um nýja dagdeild

Í morgun átti Krabbameinsfélagið góðan fund með nýjum heilbrigðisráðherra Willum Þór Þórssyni og starfsmönnum ráðuneytisins. Á fundinum var farið stuttlega yfir starfsemi félagsins en meginefni fundarins var alvarlega staða á dagdeild blóð- og krabbameinslækninga á Landspítala en aðstaða deildarinnar er óboðleg, fyrir sjúklinga, aðstandendur og starfsfólk. 

Dagdeild blóð- og krabbameinslækninga á Landspítala hefur fyrir löngu sprengt utan af sér húsnæðið og er afar brýnt að leysa vanda deildarinnar hið fyrsta.

Vandinn vex hratt. Spár gera ráð fyrir að krabbameinstilvikum fjölgi um 30% á næstu 15 árum. Spár Landspítala gera ráð fyrir að 35 - 53% meðferðar við krabbameinum fari fram á dagdeild blóð- og krabbameinslækninga á spítalanum á næstu árum.

Engar ákvarðanir liggja fyrir um framtíðarhúsnæði deildarinnar. Landspítali hefur hins vegar komið með tillögu að lausn sem Krabbameinsfélagið er tilbúið að styðja við, með myndarlegum hætti. Um er að ræða lausn sem rímar vel við staðsetningu annarrar þjónustu við fólk með krabbamein á spítalanum.

Á aðalfundi Krabbameinsfélagsins í maí sl, á 70 ára afmæli félagsins var samþykkt að veita allt að 450 milljónum til byggingar nýrrar dagdeildar blóð- og krabbameinslækninga Landspítala að því gefnu að stjórnvöld taki undir með félaginu og Landspítala og hefjist þegar handa við byggingu nýrrar deildar, þannig að hægt verði að taka hana í notkun á næstu 3 árum.

Á fundinum lýsti Halla Þorvaldsdóttir, framkvæmdastjóri Krabbameinsfélagsins því hve brýnt það er að aðstaða fólks sem fær lyfjameðferð á Landspítalanum sé fyrsta flokks. Fólk í krabbameinsmeðferð og aðstandendur þess eru að takast á við eitt stærsta verkefni lífs síns og okkur ber einfaldlega að tryggja að aðstæður séu eins og best verður á kosið. Því miður er langt frá að staðan sé sú í dag. Landspítalanum er ætlað lykilhlutverk í þjónustu við fólk með krabbamein til frambúðar og til að hámarksárangur af meðferð náist verður aðstaðan að vera þannig að hún auðveldi öllum meðferðina, sjúklingunum, aðstandendum þeirra og starfsfólki.

„Við hjá Krabbameinsfélaginu fundum fyrir miklum skilningi ráðherra og treystum því að hann taki undir og láti verkin tala. Gera má ráð fyrir að kostnaður við byggingu nýrrar deildar sé um helmingur kostnaðar við lyfin sem veitt eru á deildinni á einu ári. Hugmynd spítalans er tiltölulega einföld í framkvæmd og hægt er að bylta aðstöðunni á þremur árum“ segir Halla.

Ráðherra þakkaði Krabbameinsfélaginu góðan fund og sagðist fara yfir þetta mál í ráðuneytinu og funda með félaginu að því loknu.

Á fundinum voru fyrir hönd Krabbameinsfélagsins Valgerður Sigurðardóttir, formaður félagsins, Þorsteinn Pálsson, varaformaður, Halla Þorvaldsdóttir, framkvæmdastjóri og Ása Sigríður Þórisdóttir kynningarstjóri.

Ny-dagdeild-adstadan_1641396920863

Ítarefni:

  • Nánari upplýsingar og stutt myndbönd um verkefnið og af hverju ný dagdeild er svo brýn er að finna hér.


Fleiri nýjar fréttir

19. ágú. 2022 : Enn styrkist þekkingargrunnurinn sem undirstrikar mikilvægi forvarna gegn krabbameinum

Niðurstöður nýrrar rannsóknar sem birtust í Lancet tímaritinu í vikunni benda til þess að í næstum helmingi tilfella dauðsfalla af völdum krabbameina megi rekja orsök meinanna til áhættuþátta sem koma mætti í veg fyrir. Á meðal þessara áhættuþátta eru þeir þrír helstu tóbaksreykingar, áfengisneysla og of mikil líkamsþyngd.

Lesa meira
Gunnar Ármannsson hlaupari

18. ágú. 2022 : Heilsufarsávinningur fyrir þig og leið til að styðja góð málefni - það gerist varla betra!

Í gegnum áratugina hefur Reykjavíkurmaraþonið verið hvati margra til að fara að stunda regluleg hlaup og göngur sem er sannarlega frábært því að þeir sem stunda reglulega hreyfingu draga úr líkum á krabbameinum og fjölda annarra sjúkdóma.

Lesa meira

10. ágú. 2022 : Meðvera ný samskiptagátt bætir þjónustu við krabbameinssjúklinga

Krabbameinsfélagið er afar stolt af því að hafa átt þátt í að koma þessu þarfa verkefni á laggirnar. Það var brýnt að finna nýjar og nútímalegri leiðir til að tryggja og efla samskipti milli fagfólks og þeirra sem eru í krabbameinsmeðferð.

Lesa meira

9. ágú. 2022 : Embætti landlæknis og Krabbameinsfélagið endurnýja þjónustusamning um Krabbameinsskrá

Halla Þorvaldsdóttir, framkvæmdastjóri Krabbameinsfélagsins segir það mikið ánægjuefni að gengið hafi verið frá áframhaldandi samkomulagi um rekstur skrárinnar sem hefur verið starfrækt hjá félaginu af mikilli fagmennsku í nærri 70 ár. Það er trú okkar að með því að hún sé hluti af Rannsókna- og skráningarsetri félagsins séu bæði gæði og hagnýting skrárinnar sem best tryggð“ segir Halla.

Lesa meira

12. júl. 2022 : Slökkviliðsstörf eru krabbameinsvaldandi

Alþjóðlega krabbameinsrannsóknarstofnunin (IARC), hefur breytt hættu­flokk­un starfs slökkviliðsmanna í staðfest krabba­meinsvald­andi varðandi krabbamein í fleiðru og krabbamein í þvagblöðru.

Lesa meira

Var efnið hjálplegt?