Sigriður Sólan Guðlaugsdóttir 13. ágú. 2018

Framtíðarspádómur í boði gegn áheitum

Hlauparar í Reykjavíkurmaraþoni Íslandsbanka leita ýmissa leiða til að leggja góðu málefni lið. Anna Lóa Ólafsdóttir er ein þeirra og hún býður þeim sem heita á hana upp á spádómslestur.

Anna Lóa er námsráðgjafi hjá Virk en hún einnig rekur Hamingjuhornið, vinsæla bloggsíðu þar sem hún birtir fróðlega og innihaldsríka pistla um samskipti, persónulegar áskoranir og lífsins leyndardóma, eins og segir á Facebooksíðu Hamingjuhornsins.

Hún missti móður sína úr krabbameini árið 2006 og hét þess við andlát hennar að styðja við starfsemi Krabbameinsfélagsins með fjárframlögum og sjálfboðaliðastarfi. Hún hefur haldið fyrirlestra án endurgjalds fyrir Krabbameinsfélag Suðurnesja, Akureyrar og Krabbameinsfélag Íslands. Hún og sonur hennar, Kristinn Frans Stefánsson, ætla að taka 10 kílómetra til styrktar Krabbameinsfélaginu.

Á Facebook síðu hennar segir: „Af því að ég er keppnis þá vil ég að sjálfsögðu reyna að safna sem mest fyrir þetta góða félag og því hef ég ákveðið að heita á þá sem heita á mig. Þið fáið smá spádómslestur (nota fallegu englaspilin mín en hugsa þetta til gamans fyrir ykkur) en það eina sem þið þurfið að gera (eftir að þið eruð búin að heita á mig) er að senda mér tölu frá 1-20.“

Spádómurinn verður svo sendur eins fljótt og hún annar; „En bið ykkur að hafa í huga að þegar allt verður brjálað (ég er ALLTAF bjartsýn) að þá verðið þið að vera þolinmóð. Engar áhyggjur - ég stend við mitt – tek engan séns á að reita englana til reiði," segir hún einnig á síðunni.

Hér má finna áheitasíðu Önnu Lóu og hér er áheitasíða Kristins Frans.

Myndin er skjáskot af Facebook síðu Önnu Lóu.

 

 


Fleiri nýjar fréttir

5. des. 2023 : Takk sjálfboðaliðar!

Í dag er alþjóðlegur dagur sjálfboðaliða og Krabbameinsfélagið vill nýta tækifærið og þakka öllum þeim fjölmörgu sjálfboðaliðum sem leggja sitt af mörkum í þágu félagsins. Í tilefni dagsins fengum við nokkra sjálfboðaliða til að segja okkur frá því hvers vegna þau velja að leggja baráttunni gegn krabbameinum lið.

Lesa meira

5. des. 2023 : Aðstoð við að velja mat sem eykur heilbrigði og vellíðan

Við þurfum hjálp! Ákall til matvælaframleiðenda og sölu- og markaðsaðila matvæla. Mörg fyrirtæki standa sig vel þegar kemur að markaðssetningu á mat og drykkjarvöru. Sum fyrirtæki sem bjóða upp á heilsueflandi mat en einnig mat- og drykkjarvörur sem geta haft neikvæð áhrif á heilsu hlífa til dæmis börnum við markaðssetningu á slíkum vörum.

Lesa meira

4. des. 2023 : Taktu þátt í skemmtilegum jólaleik

Litríkt, jólalegt og hollt á borðið þitt. Krabbameinsfélagið í samstarfi við Banana og Hagkaup óska eftir jólalegum útfærslum á framsetningu á grænmeti, ávöxtum og berjum til að nýta á jólaborðið eða veislubakkann. Veglegir vinningar í boði.

Lesa meira

4. des. 2023 : Kírópraktorstöðin styrkir Bleiku slaufuna

Kírópraktorstöðin afhenti á dögunum 500.000 krónur til Krabbameinsfélagsins. Upphæðin er afrakstur af einstaklega vel heppnuðu Konukvöldi sem þau stóðu fyrir í tilefni af Bleikum október. Krabbameinsfélagið þakkar kærlega fyrir stuðninginn, sem kemur að góðum notum.

Lesa meira

4. des. 2023 : Ný rannsókn styður við einstaklingssniðna meðferð

Ný íslensk rannsókn sem birtist í dag í npj Breast Cancer og var unnin í samstarfi Krabbameinsfélagsins við meinafræðideild og krabbameinslækningadeild Landspítala, og við Háskóla Íslands. 

Lesa meira

Var efnið hjálplegt?