Björn Teitsson 12. mar. 2021

Fræðsla og ráðgjöf til fyrirtækja á Íslandi

  • Sa_krabbo-2-minni

Framkvæmdastjórar Samtaka atvinnulífsins og Krabbameinsfélagsins hafa handsalað samkomulag um fræðslu og ráðgjöf til stjórnenda fyrirtækja og starfsmanna þeirra. 

Halldór Benjamín Þorbergsson, framkvæmdastjóri Samtaka atvinnulífsins, og Halla Þorvaldsdóttir, framkvæmdastjóri Krabbameinsfélagsins, hittust í vikunni og handsöluðu samkomulag um samstarf SA og Krabbameinsfélagsins um fræðslu og ráðgjöf til stjórnenda fyrirtækja og starfsmanna bæði í tengslum við forvarnir gegn krabbameinum og viðbrögð þegar starfsmenn greinast með krabbamein.

Á myndinni má sjá Ingibjörgu Ösp Stefánsdóttur, forstöðumann samkeppnishæfnissviðs SA, Halldór Benjamín Þorbergsson, framkvæmdastjóra SA, Höllu Þorvaldsdóttur, framkvæmdastjóra Krabbameinsfélagsins, Sigrúnu Elvu Einarsdóttur, teymisstjóra fræðslu-og forvarna hjá Krabbameinsfélaginu, og Guðmund Pálsson, vefstjóra Krabbameinsfélagsins.

SA mun miðla fræðsluefni um einkenni krabbameina á nokkrum tungumálum til fyrirtækja. Krabbameinsfélagið veitir stjórnendum og samstarfsmönnum ráðgjöf þegar starfsfólk greinist með krabbamein. Vinnustaðir og samstarfsfólk gegnir mjög oft mikilvægu hlutverki þegar starfsmenn greinast með krabbamein og stuðningur vinnustaðar getur skipt miklu máli.

Hjá Ráðgjafarþjónustu Krabbameinsfélagsins er í boði endurgjaldslaus ráðgjöf sem er öllum opin. Samkomulag SA og Krabbameinsfélagsins er jafnframt hvatning til fólks á vinnumarkaði að leita sér stuðnings þegar glímt er við veikindi á við krabbamein og að kynna sér einkenni krabbameina og lífsstíl sem getur dregið úr líkum á krabbameinum.

Hjá Ráðgjafarþjónustunni starfar reynslumikið heilbrigðisstarfsfólk. Að auki veitir fjöldi sjálfboðaliða jafningjastuðning í gegnum Stuðningsnet félagsins og aðildarfélaga þess og í stuðningshópum.

Markmið Ráðgjafarþjónustunnar er að aðstoða fólk við að ná jafnvægi í þeim ólgusjó sem oft fylgir greiningu krabbameina. Hjá Ráðgjafarþjónustunni er boðið upp á fræðslu, viðtöl, faglega ráðgjöf, djúpslökun, ýmis námskeið og hagnýtar upplýsingar um réttindi fólks með krabbamein.

Ráðgjafarþjónusta Krabbameinsfélagsins er staðsett í Skógarhlíð 8 í Reykjavík og er opin virka daga frá kl. 9-16. Hægt er að panta tíma í síma 800 4040 alla virka daga frá kl. 9-16 eða senda fyrirspurn á radgjof@krabb.is eða mæta án þess að gera boð á undan sér. Það er alltaf heitt á könnunni. Öllum erindum er svarað eins fljótt og mögulegt er.

Ráðgjafarþjónustan er einnig í boði hjá Krabbameinsfélagi Akureyrar og nágrennis og ráðgjafar hafa fasta viðveru á Selfossi, í Reykjanesbæ og á Austurlandi. Auk þess er í boði fjarþjónusta. 


Frekari upplýsingar um krabbamein og vinnustaði má nálgast hér. 

 


Fleiri nýjar fréttir

16. apr. 2024 : Krabba­meins­skráning á Íslandi í 70 ár - Afmælis­málþing

Í tilefni af 70 ára afmæli krabbameinsskráningar á Íslandi býður Krabbameinsfélagið til afmælismálþings.

Lesa meira

16. apr. 2024 : Með þínum stuðningi getum við gert svo ótal margt!

Krabbameinsfélagið þakkar öllum þeim fjölmörgu sem lögðu félaginu lið í Mottumars, árverkni- og fjáröflunarátaki félagsins, í ár. Við erum hrærð yfir þeirri velvild, samkennd og hlýju sem við fundum svo vel fyrir. Öll starfsemi félagsins er rekin fyrir sjálfsaflafé og því er stuðningur almennings og fyrirtækja forsenda fyrir starfinu.

Lesa meira

12. apr. 2024 : Saga Ómars Einarssonar

Ómar fékk krabbamein í háls, árið 2008, á sama tíma og Geir H. Haarde blessaði Ísland. Hann var geislaður í upphafi og síðar skorinn. Í framhaldinu var honum bent á að hitta Ragnar Davíðsson, formann félagsins Ný rödd, sem er eitt af aðildarfélögum Krabbameinsfélagsins. Ragnar hafi hjálpað sér og öðrum mikið.

Lesa meira

8. apr. 2024 : Frábær þátttaka í Skegg­keppni Mottu­mars 2024

Þátttakendur í Skeggkeppni Krabbameinsfélagsins þetta árið voru 360 talsins og alls söfnuðust rétt rúmlega 7,3 milljónir króna. Krabbameinsfélagið þakkar öllum þeim sem tóku þátt og öllum sem styrktu.

Lesa meira

25. mar. 2024 : Saga Sigurgeirs Líndal Ingólfssonar

Sigurgeir segir að fræðslan og kynningin í kringum Mottumars sé þýðingarmikil og hafi ýtt við honum þegar einkenni gerðu vart við sig og gert það að verkum að hann fór til læknis. Einkennin voru ekki ólík þvagfærasýkingu en það var einmitt svarið sem hann fékk fyrst þegar hann leitaði sér hjálpar.

Lesa meira

Var efnið hjálplegt?