Fimmaurabrandarafjelagið styrkir Krabbameinsfélagið
Fimmaurabrandarafjelagið hefur í gegnum árin styrkt góð málefni og engin undantekning varð á því þegar fjórða bók fjelagsins kom út, Fimmaurabrandarar 4. Nú fékk Krabbameinsfélagið kr. 100.000- frá fjelaginu og er upphæðin eyrnarmerkt átakinu gegn brjóstakrabbameini.
Krabbameinsfélagið þakkar Fimmaurabrandarafjelaginu kæralega fyrir stuðninginn.
Kápan á bókinni var að sjálfsögðu bleik af þessu tilefni.
Hér á eftir verður gripið niður í bókina, sem auðvitað allir ættu að eiga:
- Af hverju gat húsflugan ekki svarað spurningunum? Þetta voru allt bjölluspurningar.
- „Það er tvennt sem ég er algjör snillingur í að búa til. Það eru kjötbollur og kleinur.“„Og hvort er þetta?“
- Fólk verður leiðara og leiðara eftir því sem það les fleiri leiðara.
- Karíus og Baktus eru oft á milli tannanna á fólki.
