Fengum góða heimsókn frá Gulla Arnari bakara
Gulli Arnar kom færandi hendi til okkar í Skógarhlíðina í gær og afhenti styrk að upphæð 250.000 kr. til styrktar Bleiku slaufunni. Gulli seldi sérstakan bleikan eftirrétt í bakaríinu sínu og rann 60% af ágóðanum til Bleiku slaufunnar.
Það er óhætt að segja að Gulli Arnar og starfsfólk hans hafi tekið þetta alla leið á bleika daginn því bæði var bakaríið skreytt hátt og lágt í bleikum borðum og blöðrum merktum Bleiku slafunni auk þess sem allir starfsmenn voru í bleikum bolum í tilefni dagsins. Og auðvita var meirihluti þess sem á boðstólnum var þennan dag einnig í bleikum lit.
Við hjá Krabbameinsfélaginu erum afskaplega þakklát fyrir samstarfsaðila eins og Gulla Arnar og þökkum honum kærlega fyrir hans frábæra framlag.