Engin gögn fylgdu svari SÍ
Krabbameinsfélaginu barst rétt fyrir hádegi svar frá Sjúkratryggingum Íslands við erindi félagsins um afhendingu gagna er tengjast ummælum sem viðhöfð voru í Kastljósi á fimmtudagskvöld.
Engin gögn bárust með svarinu sem stutt geta fullyrðingar þær sem fram komu í Kastljósi af fulltrúa Sjúkratrygginga í starfshópi um kröfulýsingar leitarstarfsins um hæfni Leitarstöðvarinnar til að sinna hlutverki sínu.
Sjúkratryggingar hafa óskað eftir staðfestingu frá Krabbameinsfélaginu og Leitarstöðinni á því að kröfur til starfseminnar séu uppfylltar fyrir lok dags. Því erindi verður svarað í dag.