Guðmundur Pálsson 30. jan. 2020

Brjósta­krabba­mein: Fram­farir í meðferð

Mánudaginn 27. janúar héldu Brjóstaheill – Samhjálp kvenna og Ráðgjafarþjónusta Krabbameinsfélagsins opinn fund fyrir konur sem greinst hafa með brjóstakrabbamein.

Fjöldi reynslumikilla kvenna mætti á fundinn sem haldinn var í Ráðgjafarþjónustu félagsins. Þau Agnes Smáradóttir og Helgi Sigurðsson krabbameinslæknar voru á staðnum ásamt Þórunni Sævarsdóttur deildastjóra göngudeildar blóð- og krabbameinslækninga, hjúkrunarfræðingunum Kristjönu Sæberg Júlíusdóttur og Ragnheiði Kr. Þorkelsdóttur úr brjóstameðferðarteymi Landspítala og Hildi Helgadóttur forstöðumanni krabbameinsþjónustu á Landspítala.

Fjölmargar konur nýttu sér þetta tækifæri og ræddu ýmis mál tengd brjóstakrabbameini og fræddust um framfarir í meðferð við meininu. Kynntar voru breytingar sem hafa átt sér stað á undanförunum árum og á fundinum skapaðist tækifæri til að ræða um eftirlit og aðstöðu krabbameinssjúklinga í meðferðum sínum.

„Fundurinn var vel heppnaður og við stefnum á að bjóða upp á sambærilega fundi reglulega. Það er ekki á hverjum degi sem okkur gefst tækifæri til að staldra við í dagsins önn, setjast niður með jafningjum og eiga möguleika á að ræða við sérfræðinga í krabbameinslækningum í afslöppuðu andrúmslofti þar sem ekkert utanaðkomandi truflar,“ segir Sigrún Lillie Magnúsdóttir, forstöðumaður Ráðgjafarþjónustu Krabbameinsfélagsins.

Þátttakendur voru sammála um mikilvægi þess að halda slíka rabbfundi reglulega. Gott og upplýst samtal þeirra á milli og við sérfræðinga hafi svarað mörgum spurningum og meðal annars dregið úr óvissu.


Fleiri nýjar fréttir

29. sep. 2023 : Slökkti fyrst eld og keypti svo Bleiku slaufuna

Það hefur vonandi ekki farið framhjá neinum að sala Bleiku slaufunnar hófst á miðnætti í dag, 29. september. Nágranni Krabbameinsfélagsins, Bergrún Ingimarsdóttir, varð fyrst til að tryggja sér slaufu ársins. Það mátti þó litlu muna að það tækist ekki vegna elds sem hún þurfti að ráða niðurlögum að.

Lesa meira

27. sep. 2023 : Bleika slaufan 2023

Gullsmiðirnir Lovísa Halldórsdóttir (by lovisa) og Unnur Eir Björnsdóttir (EIR) eru hönnunarteymið á bak við Bleiku slaufuna í ár. Það er óhætt að segja að þeim hafi tekist ætlunarverk sitt, en slaufan í ár er sú bleikasta sem við höfum séð lengi

Lesa meira

26. sep. 2023 : "Mikilvægt að segja líka frá því sem gengur vel"

Styttri legutími, skjótari bati, lægri dánartíðni og betri lifun. Ný aðferðafræði við skurðaðgerðir við lungnakrabbameini var tekin upp nærri því á einni nóttu og hefur gefið reglulega góða raun í baráttunni gegn lungnakrabbameini. Tómas Guðbjartsson skurðlæknir og Viktor Ásbjörnsson læknanemi segja hér frá byltingarkenndri þróun í skurðaðgerðum við lungnakrabbameini og mikilvægi rannsókna og stuðnings við þær fyrir framþróun í málaflokkinum. 

Lesa meira

26. sep. 2023 : Takk fyrir komuna

Nýafstaðið málþing í tilefni af alþjóðadegi krabbameinsrannsókna vakti greinilega forvitni margra, því húsfyllir var í Skógarhlíðinni auk þess sem fjölmargir fylgdust með í streymi. Krabbameinsfélagið vill koma á framfæri kærum þökkum til allra sem tóku þátt.

Lesa meira
Elísa Dögg Björnsdóttir frá TVG-Zimsen, Árni Reynir Alfredsson, forstöðumaður markaðsmála og  fjáröflunar hjá Krabbameinsfélaginu og Magnús Ingi Guðmundsson frá IDÉ House of brands, sem sér um framlei

25. sep. 2023 : Nú er það bleikt!

Að baki átaki eins og Bleiku slaufunni búa fjölmörg handtök og undirbúningur hefst mörgum mánuðum áður en afurðin berst landsmönnum í hendur og hjörtu. Það er því alltaf stór stund þegar við fáum sjálfa slaufuna í hús og niðurtalningin fyrir upphaf átaksins hefst formlega.

Lesa meira

Var efnið hjálplegt?