Blush styrkir Bleiku slaufuna
Gerður Arinbjarnardóttir eigandi Blush afhenti á dögunum Bleiku slaufunni 1.000.000 króna styrk sem safnaðist í október t.d. með viðburðum í verslun Blush og Blush bingói þar sem allur ágóði af seldum bingó spjöldum rann óskiptur til Bleiku slaufunnar.
Bleika slaufan er árlegt árverkni- og fjáröflunarverkefni Krabbameinsfélagsins tileinkað baráttunni gegn krabbameinum hjá konum.
„Krabbameinsfélagið skiptir okkur gríðarlega miklu máli en árlega greinast að meðaltali um 850 konur með krabbamein. Við þökkum Krabbameinsfélaginu og Bleiku slaufunni fyrir frábært framtak og vonum að styrkurinn muni nýtast samtökunum vel” segir Gerður Arinbjarnardóttir, eigandi Blush.
Krabbameinsfélagið þakkar Blush kærlega fyrir stuðninginn sem kemur svo sannarlega að góðum notum og mun nýtast til mikilvægra verka s.s. endurgjaldslausan stuðning og ráðgjöf við þá sem greinast með krabbamein, aðstandendur þeirra og syrgjendur, rannsókna á krabbameinum, forvarna og fræðslu.