Bleiki dagurinn er í dag
Við finnum fyrir mikilli stemmningu í samfélaginu fyrir deginum og til að mynda hafa fjölmörg fyrirtæki komið við hjá okkur og keypt slaufur, sokka, fánalengjur, blöðrur og servíettur fyrir Bleika kaffið.
Bleiki dagurinn er hápunktur Bleiku slaufunnar árlegs árvekni- og fjáröflunarátaks Krabbameinsfélagsins tileinkað baráttunni gegn krabbameinum hjá konum.
Bleiki dagurinn hefur notið sívaxandi vinsælda undanfarin ár. Á Bleika deginum hvetjum við landsmenn til að bera slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein finni stuðning okkar og samstöðu.
„Við finnum fyrir mikilli stemmningu í samfélaginu fyrir deginum og til að mynda hafa fjölmörg fyrirtæki komið við hjá okkur og keypt slaufur, sokka, fánalengjur, blöðrur og servíettur fyrir Bleika kaffið“ segir Ólöf Jakobína verslunarstjóri Bleiku búðar Krabbameinsfélagsins.
„Í dag er síðasti söludagur Bleiku slaufunnar svo við hvetjum þá sem enn eiga eftir að ná sér í slaufu til að drífa í því. Slaufan hefur selst mjög vel svo því miður er ekki hægt að fullyrða að hún sé fáanleg á öllum sölustöðum en víða er eitthvað til. Við þekkjum öll konur sem fengið hafa krabbamein og við hjá Krabbameinsfélaginu heyrum ítrekað af því hve dýrmætt fólki finnst að geta keypt slaufuna og sýnt stuðning sinn í verki. Fyrir það erum við auðvitað mjög þakklát því starfsemi félagsins byggir á söfnunarfé eins og úr Bleiku slaufunni“ segir Halla.
Hjá okkur í Krabbameinsfélaginu verður sannarlega Bleik stemmning og við hvetjum auðvitað alla til að taka þátt í gleðinni, sýna stuðning og senda okkur „bleikar“ myndir sem við birtum og miðlum þannig stemningunni sem er í gangi. Við tökum við myndum í gegnum bleikaslaufan@krabb.is #Bleikaslaufan
eginmál
