Bleika slaufan er komin í hús!
Það er óhætt að segja að mikil eftirvænting hafi ríkt í húsnæði Krabbameinsfélagsins í blíðunni í gær þegar við fengum símtal um að Bleika slaufan væri komin til landsins og væri væntanleg í hús kl.15:00. Það er alltaf stór stund þegar við tökum á móti Bleiku slaufunum.
Það var mikil gleði þegar samstarfsaðilar Bleiku slaufunnar, þau Elísa Dögg Björnsdóttir frá TVG-Zimsen, sem sér um að senda Bleiku slaufurnar á yfir 300 sölustaði vítt og breitt um landið, og Magnús Ingi Guðmundsson frá IDÉ House of brands, sem sér um framleiðslu á Bleiku slaufunni í ár, afhentu Krabbameinsfélaginu Bleiku slaufurnar sem í ár eru hannaðar af Orrifinn Skartgripum.
Hér má sjá þegar fyrsti kassinn af slaufunum var opnaður og voru allir sammála um að slaufan væri enn á ný geggjuð!
Salan á Bleiku slaufunni hefst fimmtudaginn 29. september á opnunarviðburði Bleiku slaufunnar sem haldinn verður í Háskólabíói. Sala er hafin á viðburðinn - tryggðu þér miða.
