Sigriður Sólan Guðlaugsdóttir 24. sep. 2019

Bleika slaufan 2019 komin í hús

Það var ánægjulegur dagur í Skógarhlíðinni í dag þegar TVG-Zimsen kom með Bleiku slaufuna í hús, tíunda árið í röð. 

Halla Þorvaldsdóttir, framkvæmdastjóri, tók við fyrstu slaufuprýddu kössunum frá Birni Einarssyni, framkvæmdastjóra TVG-Zimsen. Fyrirtækið flutti slaufuna frá Hong Kong án endurgalds eins og þau hafa gert undanfarinn áratug og gera félaginu þannig kleift að halda kostnaði við átakið í lágmarki. 

„Ekki nóg með þennan mikilvæga stuðning að koma slaufunni til landsins, heldur í  ár bæta þau um betur og dreifa slaufunni innanlands til um 200 sölustaða án nokkurs kostnaðar. Félagið kann ykkur bestu þakkir fyrir dýrmætt samstarf,“ sagði Halla í dag þegar hún tók við sendingunni af Birni.

Sala Bleiku slaufunnar hefst 1. október, en átakið hefst formlega með Bleika bíóinu í Háskólabíó þann sama dag og hvetur félagið konur til að taka þátt í bleikri bíóstemningu. Miði á bíóið og Bleika slaufan eru seld saman hér.

 


Fleiri nýjar fréttir

17. okt. 2019 : Þungar áhyggjur af bið eftir brjóstaskoðunum

Á málþinginu „Þú ert ekki ein“ sem haldið var þann 15. október síðastliðinn í tilefni af Bleika mánuðinum, var skorað á framkvæmdastjórn Landspítala og heilbrigðisráðherra að stytta biðtíma eftir sérskoðunum eftir að grunur vaknar um brjóstakrabbamein. 

Lesa meira

11. okt. 2019 : Málþing um brjóstakrabbamein þriðjudaginn 15. október

Málþing um brjóstakrabbamein verður að Skógarhlíð 8 þriðjudaginn 15. október 2019 kl. 17:00-18:30 á vegum Brjóstaheilla – Samhjálpar kvenna, Krabbameinsfélags höfuðborgarsvæðisins og Ráðgjafarþjónustu Krabbameinsfélagsins.

Lesa meira

10. okt. 2019 : Bleika slaufan nánast uppseld og Bleiki dagurinn er á morgun

Örfá eintök eru eftir af Bleiku slaufunni 2019 hjá Krabbameinsfélaginu en mikil eftirspurn hefur verið eftir slaufunni í ár. Enn er þó hægt að fá slaufur hjá einhverjum söluaðilum víða um land.

Lesa meira

30. sep. 2019 : Guðbjörg í Aurum hannar Bleiku slaufuna 2019

Guðbjörg Kristín Ingvarsdóttir, skartgripahönnuður í Aurum Bankastræti er hönnuður Bleiku slaufunnar 2019. Í ár er boðið upp á spennandi nýjung í hönnuninni því í fyrsta sinn er Bleika slaufan hálsmen.

Lesa meira

Var efnið hjálplegt?