Fréttasafn

Guðmundur Pálsson 25. sep. 2019

Bíókvöld Bleiku slaufunnar fær frábærar viðtökur!

Til að marka upphaf Bleiku slaufunnar 2019 verður boðið upp á einstakan viðburð í Háskólabíói þriðjudaginn 1. október.

Sérstök sýning á kvikmyndinni DOWNTON ABBEY verður í aðalsal Háskólabíós til að fagna komu Bleiku slaufunnar 2019.

Bleik stemning verður í anddyri frá klukkan 19:00, þar sem samstarfsaðilar kynna bleikar vörur og sýning hefst kl 20:00 með stuttri dagskrá.

Aðgangseyrir er aðeins kr. 3.500 og innifalið er bleik stemmning frá kl. 19:00, miði á sýninguna, létt dagskrá og sjálf Bleika slaufan 2019 sem að þessu sinni er glæsilegt hálsmen úr smiðju Guðbjargar Kristínar Ingvarsdóttir, skartgripahönnuði í Aurum Bankastræti.

Kynnar kvöldsins eru leikkonurnar stórskemmtilegu Dóra Jóhannsdóttir og Elva Ósk Ólafsdóttir.

Mætum allar og skemmtum okkur konunglega!

Styrktaraðilar Bleika bíósins eru Háskólabíó, Sena og Myndform. Allur ágóði rennur til Krabbameinsfélagsins. 

Gudbjorg_og_slaufan

 

Fleiri nýjar fréttir

9. jún. 2023 : Láttu mig vita ef ég get gert eitthvað fyrir þig

Þegar einhver í kringum okkur greinist með krabbamein er eðlilegt að upplifa óöryggi. þótt flestir vilji leggja sitt af mörkum til að vera til staðar getur óttinn við að segja ekki réttu hlutina eða að vita ekki hvað á að segja leitt til þess að jafnvel verði minna samband við viðkomandi en áður.

Lesa meira

30. maí 2023 : Bylting - hálfur milljarður til krabbameinsrannsókna

Vísindasjóður Krabbameinsfélagsins hefur frá stofnun sjóðsins árið 2015 styrkt 41 krabbameinsrannsókn um samanlagt 384 miljónir króna. Næsta úthlutun úr sjóðnum verður í júní næstkomandi.

Lesa meira

30. maí 2023 : Krabbameinsskimanir – mikið fyrir lítið

Áratugir eru síðan skimanir fyrir legháls- og brjóstakrabbameini voru teknar upp á Íslandi. Þær hafa fyrir löngu sannað gildi sitt þó þær veiti aldrei fullkomna vörn. Konur hér á landi hafa með afgerandi hætti sýnt að þær kunna að meta aðgengi að þeim.

Lesa meira

30. maí 2023 : Á Ís­landi greinast um 1800 manns á hverju ári með krabba­mein

Þeir gætu verið færri. Þó að ekki sé hægt að koma í veg fyrir öll krabbamein sýna rannsóknir að áhættuþættir margra krabbameina tengjast lífsstíl. Með bættri lýðheilsu þjóðar er hægt að fækka verulega ákveðnum krabbameinum.

Lesa meira

28. maí 2023 : Lokað 30. maí í ráðgjafarþjónustu vegna vinnufundar ráðgjafarteymis

Lokaða verður hjá ráðgjafarþjónustu Krabbameinsfélagsins þriðjudaginn 30. maí vegna vinnufundar ráðgjafarteymis. Hægt er að senda fyrirspurnir og erindi á radgjof@krabb.is og er þeim svarað eins fljótt og hægt er.

Lesa meira
Var efnið hjálplegt?
Já Nei