Sigriður Sólan Guðlaugsdóttir 2. nóv. 2018

Betri þjónusta við þá sem greinast með krabbamein og aðstandendur þeirra

Ráðgjafarþjónustan byggir nýja þjónustu á grunni samstarfsverkefnis við nemendur í Háskólanum í Reykjavík.

Í byrjun ársins leitaði til Krabbameinsfélagsins hópur nemenda frá HR í verkefnastjórnun. Áhugi þeirra beindist að því hvernig væri hægt að koma betur til móts við fólks sem er að greinast með krabbamein og aðstandendur þeirra. Hópurinn leitaði til fólks sem greinst hafði með krabbamein og kallaði eftir upplýsingum um þarfir þeirra í upphafi greiningar og hvernig hægt væri að mæta þeim betur.

Samstarfsverkefni varð grunnurinn að þeirri fræðslu sem Ráðgjafarþjónustan er nú að fara af stað með fyrir þá sem eru að greinast með krabbamein og aðstandendur þeirra.

„Ráðgjafarþjónustan hefur lengi ætlað sér gera betur við þá sem eru að greinast með krabbamein og því var það kærkomið að taka þátt í þessu verkefni með hópnum,“ segir Sigrún Lillie Magnúsdóttir, forstöðukona Ráðgjafarþjónustunnar.

Boðið verður upp á fræðsluna tvisvar í mánuði, á miðvikudögum, annan og fjórða miðvikudag í hverjum mánuði kl. 14:00 – 15:00. Farið verður yfir ýmis mál sem tengjast því að greinast með krabbamein.

Skráning er á radgjof@krabb.is eða í síma 800-4040. Ekkert þátttökugjald.

https://www.krabb.is/radgjof-studningur/hvad-er-i-bodi/vidburdir/varst-thu-ad-greinast-med-krabbamein

Myndin er af starfsfólki Ráðgjafarþjónustunnar.


Fleiri nýjar fréttir

20. des. 2019 : Jóladagatal: Kjöt og krabbamein

Sagt er að þegar íslensku jólasveinarnir komi til byggða leiti þeir einna helst í eldhús og búr. Ketkrókur og Bjúgnakrækir næla sér í kjötbita á meðan Stúfur hirðir agnirnar sem hafa brunnið við pönnuna. En eru tengsl milli kjötneyslu og krabbameins?

Lesa meira

16. des. 2019 : Jóladagatal: Gómsætar fiskuppskriftir í aðdraganda jóla

Þar sem kjöt er ómissandi þáttur jólahalds hjá mörgum Íslendingum er upplagt síðustu vikurnar fyrir jól að borða vel af fiski og jurtafæði. Ríkuleg neysla af heilkornavörum, grænmeti, ávöxtum, baunum og linsubaunum dregur úr líkum á krabbameini. Lax í mangó eða pönnusteikt rauðspretta? Fáðu uppskriftirnar!

Lesa meira
Frumurannsókn KÍ

13. des. 2019 : Rannsóknargjald nú innheimt sérstaklega

Breyting hefur orðið á greiðslufyrirkomulagi vegna rannsókna á leghálssýnum sem kvensjúkdómalæknar taka og senda til skoðunar.

Lesa meira

13. des. 2019 : Jóladagatal: Hreyfum okkur í desember

Hreyfing minnkar líkur á krabbameini og flestir hafa gott af því að hreyfa sig meira og sitja minna. Þó jólasveinarnir séu miklir matarunnendur þá hreyfa þeir sig líka mikið, milli fjalla, sveita og bæja. Hér eru hugmyndir að hreyfingu sem hægt er að gera heima og í heimabyggð, sóttar í smiðju jólasveinanna.

Lesa meira

13. des. 2019 : Hamingjan á erfiðum tímum

Anna Lóa Ólafsdóttir, sérfræðingur og atvinnutengill hjá Virk og stofnandi Hamingjuhornsins, sagði okkur eitt og annað um hamingjuna.

Lesa meira

Var efnið hjálplegt?