Birna Þórisdóttir 17. apr. 2019

Aukin notkun neftóbaks er áhyggjuefni

Krabbameinsfélagið lýsir yfir þungum áhyggjum af fréttum þess efnis að sala og notkun á neftóbaki sé að aukast. Tóbaksnotkun, hvort sem er sígarettureykingar eða notkun á reyklausu tóbaki svo sem neftóbaki, veldur miklum skaða og er ein helsta orsök krabbameina sem hægt væri að koma í veg fyrir. 

Það er aldrei sniðugt að byrja að nota tóbak og alltaf klár ávinningur af því að hætta tóbaksnotkun, sama hversu langt er síðan maður byrjaði eða hvað maður er gamall.

Eru skaðleg efni í neftóbaki?

Já. Reykingar eru hættulegasta form tóbaksnotkunar en það er mikilvægt að átta sig á því að það er engin skaðlaus leið til að nota tóbak. Í neftóbaki og öðru reyklausu tóbaki eru að minnsta kosti 30 efni sem eru þekktir krabbameinsvaldar (1).

Sumir krabbameinsvaldar eru náttúruleg innihaldsefni tóbaksplöntunnar sjálfrar og aðrir myndast við framleiðsluferlið. Samfelld tóbaksnotkun veldur því að fólk er stöðugt útsett fyrir krabbameinsvaldandi efnum sem eykur líkur á krabbameinum.

Veldur neftóbak sjúkdómum?

Já. Reyklaust tóbak eykur líkurnar á krabbameini í munni, vélinda og brisi (1), auk þess að skaða slímhimnur (til dæmis í nefi og munni) og auka líkur á hjartasjúkdómum.

Vantar þig aðstoð við að hætta að nota neftóbak?

Reyksíminn veitir símaþjónustu fyrir fólk sem vill minnka eða hætta tóbaksnotkun. Hægt er að hringja í síma 800-6030 eða senda tölvupóst á netfangið 8006030@hsn.is.

Einnig er hægt að leita aðstoðar á heilsugæslustöðvum.

Nánari upplýsingar má finna á eftirfarandi síðum:

1. International Agency for Research on Cancer. Smokeless Tobacco and Some Tobacco-Specific N-Nitrosamines.

Um tóbak á vef Krabbameinsfélagsins

Um neftóbak á vef danska krabbameinsfélagins

Um reyklaust tóbak á vef National Cancer Institute (USA)


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?