Ása Sigríður Þórisdóttir 22. des. 2020

Árið sem gleymist seint

Allt það sem við höfðum talið sjálfsagðan hluta af tilveru okkar í byrjun árs er ekki jafn sjálfsagt lengur, þegar því er að ljúka. Það er einmitt þetta sem margir upplifa við það að greinast með krabbamein og aðstandendur þeirra. Að takast á við breytta tilveru, óvissu og verkefni sem ekki voru á dagskránni.

Eflaust eru tilfinningar margra blendnar, nú þegar sér fyrir endan á árinu 2020. Það er óhætt að fullyrða að langflestir hafa orðið fyrir áhrifum af heimsfaraldrinum sem hefur sett svo sterkan svip á árið og líf fólks um alla heimsbyggðina. Það má segja að tilveran hafi breyst nánast á augabragði. Allt það sem við höfðum talið sjálfsagðan hluta af tilveru okkar í byrjun árs er ekki jafn sjálfsagt lengur, þegar því er að ljúka. Það er einmitt þetta sem margir upplifa við það að greinast með krabbamein og aðstandendur þeirra. Að takast á við breytta tilveru, óvissu og verkefni sem ekki voru á dagskránni.

Það er viðbúið að fyrir þá hafi Covid-19 þyngt róðurinn að mörgu leiti. Fyrstu niðurstöður könnunar á vegum Ráðgjafaþjónustu Krabbameinsfélagsins á upplifun og líðan fólks með krabbamein og aðstandenda, í faraldrinum, benda til þess að margir takist á við kvíða og vanlíðan sem tengist einangrun frá ástvinum. Einnig kemur skýrt fram að margir geta ekki nýtt sér ýmis bjargráð, þjónustu og stuðning sem alla jafna er í boði, vegna aðgerða sem grípa hefur þurft til vegna Covid-19.

Ráðgjafarþjónusta Krabbameinsfélagsins er til staðar fyrir þá sem greinst hafa með krabbamein og aðstandendur þeirra. Þar er boðið upp á viðtöl, jafningjastuðning, fjölbreytt námskeið, opna tíma í slökun og fræðslufyrirlestra og er þjónustan fólki að kostnaðarlausu.

Ráðgjafarþjónustan hefur, líkt og margir aðrir, þurft að gera miklar breytingar á sinni starfsemi í tengslum við faraldurinn og sóttvarnarlög. Þessar aðstæður hafa kallað á nýjar hugmyndir og leiðir í þjónustunni. Við bjóðum nú upp á fjarviðtöl í mynd í gegnum KöruConnect, kerfi sem er viðurkennt af embætti landlæknis og einnig höfum við aukið framboð af ýmis konar fjarnámskeiðum. Opnir tímar í slökun fara nú fram vikulega í beinni útsendingu í lokaða facebook hópnum Slökun og vellíðan og við höfum deilt ýmsu rafrænu efni, nýju sem eldra, af vefnum okkar.  Þessar nýjungar hafa því að einhverju leiti gert okkur kleift að færa þjónustuna heim til fólks í faraldrinum.

Það er ánægjulegt að með þessu hefur verið stigið stórt skef til framfara í aukinni þjónustu við þá sem búa á landsbyggðinni og erlendis, eða þá sem af öðrum orsökum sækja ekki þjónustuna beint til okkar. Það má því segja að árið hafi verið okkur í Ráðgjafarþjónustunni afar lærdómsríkt og gefið okkur hugrekki til að halda áfram að sækja fram, finna nýjar leiðir og mæta fólki á nýjan hátt.

Við horfum fram á nýtt ár með von og bjartsýni og hlökkum til að taka á móti ykkur hér í Skógarhlíðinni um leið og fært verður.

 


Fleiri nýjar fréttir

1. mar. 2024 : Við erum að kalla þig út, kall!

Við fögnum framförum í greiningu og meðferð en best er auðvitað ef hægt er að koma í veg fyrir krabbamein. Vísindin vísa okkur leiðina og rannsóknir sýna að 30 til 40% krabbameina tengjast lífsstíl. Það þýðir að ýmsar lífsvenjur, t.d. tóbaksnotkun, áfengisneysla, hreyfingarleysi, mataræði og fleiri þættir geta haft áhrif á líkurnar á ákveðnum tegundum krabbameina.

Lesa meira

29. feb. 2024 : Köllum kalla þessa lands út!

Mottumars, árlegt árvekni- og fjáröflunarátak tileinkað krabbameinum hjá körlum hefst í dag. Kallaútkall er yfirskrift átaksins í ár þar sem lögð er áhersla á forvarnargildi hreyfingar. Regluleg hreyfing dregur úr hættunni á krabbameinum, en allt of margir karlmenn hreyfa sig ekki nóg til að njóta þessara verndandi áhrifa. Það þarf ekki nema örfáar mínútur af hreyfingu á dag til að ná fram jákvæðum áhrifum.

Lesa meira

28. feb. 2024 : Upp með sokkana og í Mottumarshlaupið 2024

Komdu með í fyrsta Mottumarshlaup Krabbameinsfélagsins sem haldið verður á hlaupársdeginum 29. febrúar. Við lofum stuði og stemmningu um leið og við hreyfum okkur til stuðnings góðum málstað!

Lesa meira

27. feb. 2024 : Sjöunda árið í röð fær forsetinn fyrsta parið

Forseta Íslands, hr. Guðna Th. Jóhannessyni hefur frá árinu 2018 verið afhent fyrsta parið af Mottumarssokkunum sem seldir eru til styrktar Krabbameinsfélaginu í Mottumars, árlegu árvekni- og fjáröflunarátaki sem tileinkað er krabbameinum hjá körlum. Forsetinn hefur sýnt verkefninu ómetanlegan stuðning í gegnum árin.

Lesa meira

27. feb. 2024 : Mottumarssokkarnir hannaðir af AS WE GROW

Það eru þær Gréta Hlöðversdóttir, Snæfríð Þorsteins og Kamilla Henriau sem eru hugmyndasmiðirnir og hönnuðirnir á bakvið sokkana sem eru einstaklega fallegir. 

Lesa meira

Var efnið hjálplegt?