Sigurlaug Gissurardóttir 30. maí 2016

Alþjóðadagur gegn tóbaki 31. maí 2016. - Búið ykkur undir einsleitar umbúðir

Meira en 37 000 einstaklingar á Norðurlöndunum deyja á ári af völdum sjúkdóma sem rekja má til tóbaks.

Árlega látast 37 800 einstaklingar á Norðurlöndunum af völdum sjúkdóma sem rekja má til tóbaksnotkunar og á heimsvísu deyja sex milljónir manna (1)  og margir þeirra deyja af völdum krabbameins. 

Í dag, á alþjóðadegi gegn tóbaki, setja norrænu krabbameinsfélögin fram sameiginlegt markmið um að  koma í veg fyrir að unglingar ánetjist tóbaki. Norrænu krabbameinsfélögin kalla eftir innleiðingu á einsleitum umbúðum á öllum Norðurlöndunum.

Af hverju einsleitar umbúðir?

Með einsleitum umbúðum er sjónum beint að unglingum því alþjóðlegar rannsóknir sýna öfugt samband milli einsleitra umbúða og algengi sígarettureykinga. Einsleitar umbúðir felast í því að vörumerki framleiðanda verði afmáð af pakkningum tóbaks og þær hafðar í einum lit og letur staðlað. Ástralía varð fyrsta landið árið 2013 til að innleiða einsleitar umbúðir, og þeir hafa sannað að einsleitar umbúðir bera árangur (2).

Sýnt hefur verið fram á með alþjóðlegum rannsóknum að einsleitar umbúðir hafa marga kosti:

  • Þær eru taldar minna aðlaðandi, sérstaklega meðal ungs fólks.
  • Þær eru álitnar vera verri að gæðum og bragði.
  • Með þessu móti er hægt að gera varúðarmerkingar meira áberandi.
  • Þær gera tóbak minna áberandi á almennum vettvangi.
  • Þær koma í veg fyrir að fólk byrji að reykja og hvetja aðra að einhverju leyti til að hætta að reykja.

Með því að fara að fordæmi Ástralíu og nú nýlega einnig löndum svo sem Bretlandi, Írlandi og Frakklandi, höfum við trú á að einsleitar umbúðir verði árangursríkasta tækið sem við höfum til að koma í veg fyrir að ungt norrænt fólk ánetjist tóbaki. 

Ákall til aðgerða

Í 11. og 13. grein sáttmála Alþjóðaheilbrigðismálastofnunarinnar um tóbaksvarnir  (WHO Framework Convention on Tobacco Control (WHO FCTC))  er aðildarlöndum ráðlagt að íhuga að innleiða einsleitar umbúðir. Fjöldi landa eru á lokastigum að taka upp lög um einsleitar umbúðir. Nú er kallað eftir einsleitum umbúðum á öllum Norðurlöndunum.

Tóbakslaus Norðurlönd

Tóbaksnotkun er meginorsök krabbameins. Nú reykja meira en 3,5 milljónir á Norðurlöndunum . Norrænu krabbameinsfélögin vinna öll saman að tóbakslausu samfélagi. Alls staðar á Norðurlöndunum hefur verið gefin út skýr yfirlýsing um tóbakslaust samfélag. Ef við ætlum að ná árangri í að útrýma tóbaksnotkun þurfum við að horfa til nýrra og árangursríkra leiða.

Norrænu krabbameinsfélögin trúa því að einsleitar umbúðir séu mikilvægt skref sem færir okkur nær tóbakslausum Norðurlöndum.

https://youtu.be/rXUCTSp2_58

Heimildir

 (1) Tobacco related Deaths in the Nordic countries: Norway 6600, Sweden 12 000, Denmark 13 900, Finland 5 000, Iceland 200, Faeroe Island 110.   

(2) https://www.cancervic.org.au/plainfacts /


Fleiri nýjar fréttir

1. des. 2023 : Minningarorð um Jón Þorgeir Hallgrímsson

Jón Þorgeir Hallgrímsson, læknir, fyrrverandi formaður Krabbameinsfélags Íslands og Krabbameinsfélags Reykjavíkur lést þann 21. nóvember sl., 92 ára að aldri. Jóns Þorgeirs er minnst hjá Krabbameinsfélaginu með mikilli virðingu og þakklæti. Aðstandendum vottar félagið innilega samúð. 

Lesa meira

28. nóv. 2023 : Taktu þátt í skemmtilegum jólaleik

Litríkt, jólalegt og hollt á borðið þitt. Krabbameinsfélagið í samstarfi við Banana og Hagkaup óska eftir jólalegum útfærslum á framsetningu á grænmeti, ávöxtum og berjum til að nýta á jólaborðið eða veislubakkann. Veglegir vinningar í boði.

Lesa meira
Ljósmynd: Thule Photos

28. nóv. 2023 : Dýrmætt að vita að maður stendur ekki einn í þessu

Flestir sem hafa upplifað það að missa einhvern náinn sér eru líklega sammála um að sorgin er erfið og þungbær. Sorg barna er sérstaklega vandmeðfarin og það getur skipt máli fyrir úrvinnslu þeirra að fá réttan stuðning frá nærsamfélaginu. Hannes missti eiginkonu sína úr krabbameini árið 2022, en þau áttu tvær dætur saman. Hann segir hér frá sorgarúrvinnslunni og helstu úrræðum sem þau feðgin hafa nýtt sér, en þar á meðal er stuðningur Krabbameinsfélagsins við börn sem missa foreldri.

Lesa meira

28. nóv. 2023 : „Mig langaði til að taka þessa byrði og bera hana sjálf“

Rakel Ósk Þórhallsdóttir, eigandi vefverslunarinnar Central Iceland, hefur undanfarin þrjú ár stutt dyggilega við Bleiku slaufuna, en í heildina telur framlag hennar 7.385.000 kr. Rakel segir hér frá drifkraftinum á bak við verkefnið, en hún hefur persónulega tengingu við málstaðinn.

Lesa meira

23. nóv. 2023 : Fulltrúar Krabbameinsfélagsins á faraldsfæti

Um þessar mundir stendur Krabbameinsfélagið fyrir átaksverkefni sem miðar að því að fjölga í þeim góða hópi Velunnara sem styðja þétt við bakið á félaginu með mánaðarlegum framlögum. Í nóvember heimsækjum við Selfoss.

Lesa meira

Var efnið hjálplegt?