Alþjóðadagur gegn krabbameinum #4 Stuðningur
Í dag 4. febrúar er alþjóðadagur gegn krabbameinum. Tilgangur dagsins er að hvetja til umbóta og eflingar á sviði forvarna, greiningar og meðferða gegn krabbameinum.
Slagorð dagsins er „Ég er... og ég ætla...“ þar sem hverjum fyrir sig gefst færi á að lýsa sinni leið í baráttunni gegn krabbameinum.
Í vikunni hefur verið fjallað um forvarnir, greiningu og meðferð. Í dag lítum við til þess hvað stuðningur af ýmsu tagi getur skipt miklu máli.
- Stuðningur við vin eða ættingja: Þegar vinur eða ættingi greinist með krabbamein vitum við stundum ekki alveg hvað við getum gert til að hjálpa, þó að okkur langi til þess. Það þarf samt ekki að vera mikið eða flókið og hér má fá nokkrar hugmyndir.
- Jafningjastuðningur: Það getur verið hjálplegt að ræða við einhvern sem hefur gengið í gegnum svipaða reynslu og þú ert að ganga í gegnum, einhvern sem hefur þann skilning sem einungis fæst með því að upplifa hlutina sjálfur. Á vegum Krabbameinsfélagsins starfa nokkrir stuðningshópar og einnig er boðið uppá jafningjastuðning maður á mann í gegnum stuðningsnet Krafts og Ráðgjafarþjónustu.
- Styðja starf Krabbameinsfélagsins: Allt starf Krabbameinsfélagsins, þar á meðal vísindastarf og rannsóknir, fræðsla, forvarnir og endurgjaldslaus þjónusta, ráðgjöf og stuðningur er fjármagnað með styrkjum og gjöfum frá almenningi og fyrirtækjum. Það eru margar leiðir til að styrkja starfið: