Alþjóðadagur gegn krabbameinum #2 Snemmgreining
Því fyrr sem krabbamein greinist, því líklegra er að meðferð beri árangur. Mikilvægt er að veita athygli þeim merkjum sem líkaminn kann að gefa um að heilsunni sé hætta búin. Viss einkenni vekja grun um krabbamein þó að vissulega geti þau einnig verið til marks um meinlausari kvilla.
Þann 4. febrúar er alþjóðadagur gegn krabbameinum. Tilgangur dagsins er að hvetja til umbóta og eflingar á sviði forvarna, greiningar og meðferða gegn krabbameinum. Slagorð dagsins er „Ég er... og ég ætla...“ þar sem hverjum fyrir sig gefst færi á að lýsa sinni leið í baráttunni gegn krabbameinum. Má bjóða þér að taka þátt?
Ertu með einkenni?
Mikilvægt er að veita athygli þeim merkjum sem líkaminn kann að gefa um að heilsunni sé hætta búin. Viss einkenni vekja grun um krabbamein þó að vissulega geti þau einnig verið til marks um meinlausari kvilla.
- „Ég er xxx og ég ætla að vera vakandi fyrir einkennum krabbameina.“
Það getur skipt sköpum að þekkja einkenni krabbameina og fylgjast með líkamanum og líðan. Ef eitthvað er öðruvísi en venjulega, án skýrra orsaka eða stendur yfir í langan tíma er ástæða til að leita til læknis.