70 andlit fyrir 70 ár - Laufey Tryggvadóttir
Laufey Tryggvadóttir er líffræðingur og faraldsfræðingur sem starfar sem framkvæmdastjóri Rannsóknar-og skráningarseturs Krabbameinsfélagsins - eða það sem lengi vel var þekkt sem Krabbameinsskrá. Laufey er vísindamaður fram í fingurgóma og brennur fyrir starfinu.
Laufey Tryggvadóttir er líffræðingur og faraldsfræðingur sem starfar sem framkvæmdastjóri Rannsóknar-og skráningarseturs Krabbameinsfélagsins - eða það sem lengi vel var þekkt sem Krabbameinsskrá. Laufey er vísindamaður fram í fingurgóma og brennur fyrir starfinu. Þannig hefur samstarfsfólk hennar þekkt hana um árabil þar sem áhugi hennar og sérfræðiþekking á faraldsfræðum og rannsóknum á krabbameinum hefur reynst bráðsmitandi. Meistara-og doktorsnemarnir sem hafa notið handleiðslu Laufeyjar eru orðnir ansi margir og fjölgar með hverju árinu.
Laufey segir enda sjálf að „það var ljóst að til að vinna sigur á óvininum þá þarf að þekkja hann vel.“ Vísindarannsóknir og nákvæm krabbameinsskráning er því forsenda allra framfara í greiningu og meðferð, fækkun nýrra tilfella og betri lífsgæða eftir meðferð. Við erum í öllu falli á því að rannsóknar- og skráningarsetrið er í afar góðum höndum hjá Laufeyju.
Laufey Tryggvadóttir er eitt af 70 andlitum Krabbameinsfélagsins á afmælisárinu 2021. Við ætlum að birta 70 myndir eða myndskeið af fólki sem hefur komið við sögu í baráttunni gegn krabbameinum í 70 ára sögu félagsins. Krabbameinsfélagið er rekið fyrir sjálfsaflafé með stuðningi frá íslenskum almenningi og fyrirtækjum. Við hvetjum fólk til að fylgjast með á instagram og facebook, myllumerkið er #70andlit
