70 andlit fyrir 70 ár - Kolbrún Silja Ásgeirsdóttir
Kolbrún Silja Ásgeirsdóttir var fjáröflunar- og markaðsstjóri Krabbameinsfélagsins, frá desember 2015 þar til nú í maí 2022.
Það er einn af hverjum þremur Íslendingum sem mun á einhverjum tímapunkti á ævinni þurfa að takast á við þennan sjúkdóm og við langflest hin eða þau okkar sem fá þetta ekki munum upplifa þetta sem aðstandendur, vinir eða kunningjar.
Í starfinu mínu vinn ég að fjáröflun félagsins því er félagið er algjörlega háð stuðningi almennings og fyrirtækja. Við þurfum á því að halda að hafa mikið og gott bakland sem við sem betur fer höfum og höfum haft lengi. Þar á meðal eru 17.000 Velunnarar sem að mánaðarlega styrkja starfið og svo erum við með stór fjáröflunarátök eins og Bleiku slaufuna og Mottumars þar sem að mikill hluti þjóðarinnar tekur þátt og hjálpar okkur að fjármagna allt það sem verið er að gera dag frá degi.
Ég held að það sé bara mjög mikilvægt fyrir almenning, fyrir okkur öll, að taka þátt í starfi Krabbameinsfélagsins með einhverjum hætti.
https://www.youtube.com/watch?v=iT3wwEkBr0k
Ég held að okkur finnist við stundum svolítið vanmáttug gagnvart þessum sjúkdómi og finnist við ekki geta gert mikið. En málið er að við getum öll gert eitthvað. Og þegar þetta „eitthvað“ safnast saman þá verða framfarir. Með því að styrkja félagið þá á fólk einfaldlega þátt í öllum þessum skrefum sem hafa átt þátt í að tvöfalda lífslíkur á síðustu 50 árum. Þetta skilar árangri.
Kolbrún Silja Ásgeirsdóttir er eitt af 70 andlitum Krabbameinsfélagsins á afmælisárinu 2021. Við ætlum að birta 70 myndir eða myndskeið af fólki sem hefur komið við sögu í baráttunni gegn krabbameinum í 70 ára sögu félagsins. Við hvetjum fólk til að fylgjast með á Instagram og Facebook, myllumerkið er #70andlit
