Nordic Cancer Union (NCU)

Samtök norrænna krabbameinsfélaga, Nordic Cancer Union (NCU), voru stofnuð á fyrri hluta sjötta áratugarins, og var Krabbameinsfélag Íslands (stofnað 1951) með í samtökunum frá upphafi.

Fyrstu árin voru sameiginlegir fundir haldnir annað hvert ár, en gagnsemi þeirra varð fljótt ljós þátttökufélögunum og árlegir fundir tóku við, og síðar nokkrir fundir á ári.

Félögin, sem mynda samtökin nú eru auk Krabbameinsfélag Íslands danska félagið Kræftens Bekæmpelse, norska félagið Kreftforeningen, sænska félagið Cancerfonden, finnska félagið  Syöpajajestöt og færeyska Krabbameinfélagið.

Samtökin hafa lagt mikla áherslu á að styðja vísindarannsóknir á krabbameinum, en láta einnig til sín taka varðandi  ýmis málefni sjúklinga. Viðfangsefni félaganna og markmið eru að mörgu leyti lík, en áherslur mismiklar eftir verkefnum. Segja má að Krabbameinsfélag Íslands sinni fjölbreyttustu verkefnunum þar sem félagið rekur Krabbameinsskrána og Leitarstöðina auk hefðbundinna verkefna sjúklingafélaga.

Fundir NCU eru nokkrir árlega og töluvert samstarf milli funda, formlegt og óformlegt. Hvert land gegnir formennsku í þrjú ár í einu, og og heldur utan um öll verkefni samtakanna þau ár. Ísland gegnir forystu í samtökunum árin 2015-2018.

Nánari upplýsingar um Norrænu krabbameinssamtökin er að finna á heimasíðu samtakanna www.ncu.nu.