Stuðningsfulltrúanámskeið á Akureyri
Stuðningsnetið fer norður á Akureyri!
Vilt þú nýta reynslu þína til góða fyrir aðra?
Stuðningsfulltrúanámskeið fyrir verðandi stuðningsfulltrúa í Stuðningsneti Krafts og Ráðgjafarþjónustu Krabbameinsfélagsins verður haldið laugardaginn 17.nóv. frá klukkan 10:00 – 17:00. Námskeiðið verður haldið í húsnæði Krabbameinsfélagsins á Akureyri, Glerárgötu 34.
Á námskeiðinu er m.a. veitt þjálfun í samtalstækni, að deila reynslu sinni á viðeigandi hátt og að setja mörk. Ásamt því að farið verður yfir ýmis málefni sem oft fylgja krabbameinsveikindum eins og erfiðar tilfinningar, hvar má nálgast upplýsingar, aðstoð fagaðila, samskipti í fjölskyldum, að tala við börn um krabbamein og fleira.
Boðið verður upp á hádegismat með á námskeiðinu stendur.
Umsjónarmaður námskeiðsins er Þorri Snæbjörnsson, sálfræðingur og umsjónarmaður stuðningsnets Krafts og Ráðgjafarþjónustu Krabbameinsfélags Íslands.
Til að taka þátt á námskeiðinu þarf að skrá sig á netfanginu salfraedingur@kraftur.org eða með því að fylla út þetta skráningarform.